Предыдущая публикация
Келгин... Менга қўлларингни бер,
Кафтларингнинг тафтида ёнсам...
Шу қўлларда тилсими ишқдан
Битигимни яратди Эгам!
Ахир, дема: "Ҳаммаси оний",
Ишонганим – шу дам, шу нафас.
Сенсиз қолиб кетган асрга
Ишон, ишонмоғим осонмас.
Кўргин... Йўллар ўзидан тонди,
Фақат шу кеч – сен ўзингдан кеч!
Муз томчига айланиб бўлди,
Сен-чи, нега эримайсан ҳеч?!
Гуллашга шай ғунчадек маҳтал,
Жон бўғзимда, титраб турибман.
Гуноҳларим кам бўлса агар,
Яна гуноҳ истаб юрибман.
Мен қилганим – фақат хатолар,
Адашмасам кўнгил янийди.
Фақат сен ҳам бир бор адашиб
Севиб қолсанг... мени... қанийди...
Шоҳсанам Қаюмова
Присоединяйтесь к ОК, чтобы подписаться на группу и комментировать публикации.
Комментарии 2
Sensiz maysalardan imdod so'raman...
O'zimni hammadan ko'raman yaxshi,
Seni o'zimdan ham yaxshi ko'raman.
Guruhga qo'shiling. Eng sara she'rlar!
http://m.odnoklassniki.ru/dk?st.cmd=altGroupMain&st.groupId=51795415203968&_prevCmd=user.AltGroups&tkn=3676