Ихсан Медиа

Имам Ибн ал-Жаузи (رحمه الله) айткан: “Тагафул – б.а.адамдардын кемчиликтерин кенебеген сыпат атак-даңктуу адамдардын эң бийик сыпаттарынан болгон. Анткени адам табиятында ар дайым ката кетирүүчү. Жана пенде ар бир ката-кемчиликке маани бере берсе, анда өзүн да, айланасындагы адамдарды да чарчатып жиберет. Ал эми акылдуу адам үй-бүлө, дос жана кошуналарына карата болгон чоң жана кичине маселелерде өтө эле майда боло бербейт. Ошол себептүү имам Ахмад (Аллах аны рахматына алсын) айткан: “Жакшы кулк-мүнөздүн 90 пайызы – бул тагафулда (б.а.адамдардын кемчиликтерин кенебегендик)”. "Тахзиб ал-камал", 19/370.

Кыямат күнүндөгү эң чоң жоготуу, эң чоң кайгы – бул өз ибадаттарыңды башка адамдын таразасында турганын көрүү, анткени сен сооптуу амалдарыңды кимдин артынан жамандаган болсоң, ошол адамга берүүгө мажбур болосуң. Бири бириңердин артыңардан жаман сөз айтаардан алдын мурда ушуну ойлоп койгула. Аллахым баарыбыздын тилибизди ушак жана жаман сөздөрдү айтуудан сактап, баарыбызды Бейиш ээлеринен кылсын. Амиин!