Кел ўғлим, мен сенга
насиҳат айлай,
Сен эътибор бериб,
тинглагил болам!
Ҳамиша бир ишни,
қилмоқчи бўлсанг,
Аввал охиратни, ўйлагил
болам!
Айтилгандир, «дунё
карвонсарой» деб,
Қўймаслар ҳеч кимни,
«камбағал-бой», деб,
Дунёда ҳеч қачон, молу-
мулк, жой деб,
Қайғуриб, ўйланиб,
юрмагил болам!
Сенга васиятим эсингда
тутгил,
Илм ол, олим бўл ва амал
қилгил,
Жабру жафо етса, барин
унутгил,
Ҳаргиз ёвуз ишни, қилмагил
болам!
Қариндош-уруғлар,
ҳурматини қил,
Қўни-қўшниларнинг,
хизматини қил,
Дўсти биродарлар, иззатини
қил,
Ваъда берсанг, ҳаргиз
бузмагил болам!
Сенга ҳам фарзандлар
берсин, Худойим,
Авлодинг ҳақ йўлда,
яшасин доим,
Кибр этма, камтар бўл,
бўлгил мулойим,
Аллоҳдан ўзгадан,
қўрқмагил болам!
Яхшиликка бўлсин, орзу-
хаёлинг,
Ҳеч қачон тангликга,
тушмасин ҳолинг,
Ношукр бўлма ҳеч, кам
бўлса молинг,
Бировларга қўлинг,
чўзмагил болам!
Унут ёмонлардан кўрган
жафони,
Худо бергай уларга ҳам
жазони,
Агар ҳақ бўлсангда, қилма
ғавғони,
Боболаринг йўлин, ушлагил
болам!
Ўз бошингни ўзинг, балога
солма,
Хато қилсанг, узр сўра,
уялма,
Ҳаётда ҳеч кимни,
қарғишин олма,
Ёлғон гапирмоқни,
билмагил болам!
Сабр тоқатли бўл, ҳаёт
йўлинда,
Доим фаровонлик
бўлмайди бунда,
Эсла шу сўзимни, ғам
чеккан кунда,
Қазога норизо, бўлмагил
болам!
Дерлар, «ҳар тўкисда, бўлар
бири кам»,
Ҳамроҳдир ҳамиша, қувонч
била ғам.
Қаноатли бўлиб, яша
хотиржам,
Ҳаммага яхшилик, истагил
болам!
Етказсин Ҳақ барча
ниятларинга,
Куч ва қувват бергай,
билакларинга,
Тилакдошман сенинг
тилакларинга,
Ҳазон урган гулдек,
сўлмагил болам!
Фарзанд одамзоднинг
юрагидир бу,
Ўткинчи дунёнинг
керагидир бу,
Сенга Ота-онанг, тилагидир
бу,
Ҳаргиз ёмон кунни,
кўрмагил болам!
Албатта бўлади қоим
қиёмат,
Қилмагил, у кунда афсус-
надомат,
Иймонингни сақлаб, ўтгил
саломат,
Жаннатий бўл, ўтда
куймагил болам!
Бир куни ҳаётни, тарк этиб
кетсак,
Паймонамиз тўлиб, дунёдан
ўтсак,
Аллоҳ белгилаган манзилга
етсак,
Дуода унутиб қўймагил,
болам!
Присоединяйтесь к ОК, чтобы посмотреть больше фото, видео и найти новых друзей.
Нет комментариев