Предыдущая публикация
Զարմանալի շոկ-մանժեի բաղադրատոմս
Շոկ-մանժեն ամենից հայտնի եւ սիրելի աղանդերներից է: Շատերը կարծում են, որ այն ֆրանսիացիաներն են հնարել, մյուսներն էլ վիճում են, թե՝ իտալացիները: Սակայն կարեւորը, որ այս աղանդերը սիրում են ե՛ւ մեծահասակները, ե՛ւ երեխաները: Իսկ ինչպե՞ս շոկ-մանժե պատրաստել տնային պայմաններում:
Բաղադրությունը
Ձու – 3 հատ;
շաքարավազ – 1.5 ճաշի գդալ;
շոկոլադ – 100 գր.;
սերուցքային կարագ – 100 գր.;
կոնյակ – 1 ճաշի գդալ:
Պատրաստման եղանակը
3 ձվի սպիտակուցը հարել, ավելացնել 1.5 ճաշի գդալ շաքարավազ եւ 3 դեղնուց:
Առանձին հալեցնել 100 գր. շոկոլադը 100 գր. սերուցքային կարագի հետ եւ ավելացնել հարած զանգվածին: Ավելացնել նաեւ 1 ճաշի գդալ կոնյակն եւ լցնել շոկոլադի բաժակները: Կարելի է զարդարել մանրացրած ընկույզով կամ քերած շոկոլադով: Սառնարանում պահել 2-3 ժամ:
Բարի ախորժակ…
Следующая публикация
Нет комментариев