Суроо: Кайсыдыр өндүрүшчү мусулмандарды жек көрүп, адал деп ага атайы арамды кошуп сатуусу мүмкүнбү?

Айгуль Сокоева, Санкт-Петербург ш.
___________________________________________________________
Жооп: Өндүрүшчү канткенде да кирешени жакшы көрөт. Ал чоң машакат менен тазалаган, ага чыгымдар болгон жана мусулман коомуна араң таанымал болуп келаткан имиджин өзүнүн жеке эмоциясы үчүн курмандыкка чала бербейт. Тетирисинче адалга өткөн өндүрүштүн мусулман эмес жетекчилери жогорудагыдай бүдөмүк күмөн саноолор болуп калбасын деп бул нормаларды бекем кармоого умтулат экен. Эгер цехинде кандайдыр кырдаал пайда болсо алар кээде түнү деле кыжаалат болуп телефон чалып сурашат. Анткени бул иште баарыбыз кудай алдында жоопкербиз. Кудайга ишенбегендери болсо киреше алдында кызыкдар.