Հարգելի գնորդներ, հաճախ ենք ստանում հարց՝ բնակարանների "փակովի" վաճառքի վերաբերյալ։

Նշենք, որ որպես այդպիսին գոյություն չունի օրինական վաճառքի "փակովի" տարբերակ։ Դա կարող է լինել տան տիրոջ հետ անձնական համաձայնության շրջանակներում, սակայն փորձը ցույց է տալիս, որ նման երևույթ հազվադեպ է լինում, անորոշ իրավիճակից խուսափելու պատճառով սեփականատերերը այս ձևով բնակարան չեն վաճառում։
Ճիշտ է մեր ընկերությունը խորհուրդ չի տալիս ոչ մի տեսակ վարկ ձեռք բերել, սակայն եթե դուք երիտասարդ ընտանիք եք և ունեք բնակարան ձեռք բերելու անհրաժեշտություն, ապա տեղեկացնենք Ձեզ, որ ՀՀ-ում կա երիտասարդ ընտանիքներին հիփոթեքային վարկի սուբսիդավորման ծրագիր։ Ծրագրի շրջանակներում հիփոթեքային վարկի %-ները ամենացածր վարկային %-ներն են ՀՀ-ում։
Տվյալ վարկատեսակի մասին մանրամասն տեղեկություններ կարող եք ստանալ բանկերից։ Նշենք որ տարբեր բանկեր տարբեր % են առաջարկում կախված զանազան պայմաններից, սակայն մոտավորապես այն կազմում է 3,5% տարեկան։ Տվյալ վարկերը տրվում են մինչև 30 տարի մարման ժամկետով և սկսած 10% կանխավճարից կամ որոշակի պայմանների ապահովման դեպքում անգամ առանց կանխավճարի։