Elan!
Əziz dostlar, Məşədi Dadaş məscidində Qədr gecəsi ilə bağlı əhya məclisləri bu il iyul ayının 5-dən 6-na, 7-dən-8-nə, 9-dan-10-na keçən gecələr keçiriləcək. Məclis saat 23:30-da başlayacaq.Hacı Şahin Həsənlinin xütbəsindən sonra Qədr gecəsinin duaları və ziyarətlər camaatla birgə oxunacaq. Gecə ərzində camaatla Cövşən-Kəbir duası da oxunacaq.
Qədr gecəsi – Allahın kitabı, bəşəriyyətin hidayət çırağı, haqqı batildən ayıran Quranın nazil olduğu gecədir. Islam alimlərinin bildirdiyinə görə, Qurani-Kərim əziz İslam peyğəmbərinin mübarək qəlbinə iki cür nazil olub: 23 il ərzində hissə-hissə və Qədr gecəsində bütövlükdə. Yəni Həzrət Peyğəmbər (s) hələ insanlara Quranı çatdırıb qurtarmamışdan öncə, Qədr gecəsində Allah kitabını bütövlükdə mənimsəmişdi.
“Qədr gecəsi” ifadəsi azərbaycanca həm də “müqəddərat gecəsi” mənasını daşıyır. Quranın “Qədr” surəsində bu gecə barəsində danışarkən, Allah iki məsələyə diqqət yetirir. Birincisi, Quranın bu gecədə nazil olmasına, ikincisi isə, insanların gələn ilə kimi qədər-qismətlərinin yazılmasına. D