Предыдущая публикация
“Краса і гонар Зэльвенскага краю”
Бібліятэкар Крывіцкай сельскай бібліятэкі-клуба арганізавала для сваіх чытачоў
літаратурны вернісаж “Краса і гонар Зэльвенскага краю”, на якім вялася гаворка пра паэтаў Зэльвенскага краю і іх творчасць. А пачалося мерапрыемства са знаёмства з творчасцю паэткі-зямлячкі, якая нарадзілася ў суседняй вёсцы – Залацеева. Гэта Людміла Воранава Супрун. Бібліятэкар распавяла аб творчасці Людмілы Віктараўны, пералічыла яе ўзнагароды, прапанавала прысутным азнаёміцца з кнігай вершаў “Ментальнасць беларусаў, ці Пятая група крыві”. Гэта кніга – падарунак аўтара з яе ўласным аўтографам. Адна з удзельнікаў мерапрыемства прадэкламавала верш зямлячкі “І зноў на захад!.. Еду я да дому…”, прагучаў і верш “Вёска Залацеева”. З Зэльвеншчынай звязаны лёс многіх вядомых людзей. Сярод іх Ганаровы грамадзянін Зэльвенскага раёна Уладзімір Мазго, паэты Юрка Голуб, Ірына Данік, Пётр Марціноўскі, Валянцін Семяняка, Святлана Літвінчык, Алена Кароза і інш. Удзельнікі літаратурнага вернісажа знаёміліся з кнігамі вершаў паэтаў нашага краю, зачытывалі вершы, дзяліліся сваімі ўражаннямі.
Следующая публикация
Нет комментариев