Եզակիներին երկրորդ անգամ չեն հանդիպում: Եվ ուրեմն չփնտրես էլ հանդիպումներ, որոնք քո կյանքը փոխելու են:

Իմ լինելը կարճ եղավ, բայց ինձանից հետոն անվերջության հոտ ունի: Մոռանալ իզուր ինձ չփորձես, որովհետև չեն մոռանում երբեք նրանց, ում մասին հետևողականորեն փորձում են չմտածել:
Կմնամ ես օդի մեջ, որ դու ես շնչում. կպակասեմ քեզ փակ սենյակում, ու կխանգարեմ բաց տարածության մեջ` վերածվելով քամու ու խառնելով մազերդ:
Իմ ներկայությունը կզգաս, երբ շրջապատված կլինես ուրիշներով ու չես վայելի հանդիպումները, որովհետև ինձ այդպես էլ հրաժեշտ չտվիր:
Եզակիներին երկրորդ անգամ չեն հանդիպում, որովհետև մեկ անգամ հանդիպելով այլևս երբեք չեն ազատվում նրանցից: #ԴԱՎԻԹ ԿԱՆՉՅԱՆ