Сайгъылы мухлислеримиз!

Бу куньлерде театримизге миллий эрбабымыз Умер Ипчининъ огълу Якуб агъа Ипчи зияретке кельди. Юрекке яткъан чешит мевзуда къонушмалар олды. Субетимиз терджиме ве терджиманлар акъкъында, Умер Ипчининъ аяты ве иджады; Ильяс Бахшышнынъ, Яя Шерфединовнынъ, Риза Фазылнынъ, Февзи Алиевнинъ, Риза Юсуфнынъ - театримизге, медениетимизге, санатымызгъа, эдебиятымызгъа къошкъан исселерини къайд эттик.
Айрыджа полилогымыз миллий театримиз тарихынен алякъалы олды. Якуб агъа меракълы малюматлар ве бильгилернен пайлашты.
Азиз ветандашлар, театримизни шанлы тарихыны джанландырмакъ макъсады иле сизлерни озь хатыраларынъызнен, бильгилеринъизнен таныш этсенъиз, чокъ мемнюн ве миннетдар олур эдик.
Биз иле +7978-770-50-49 телефон вастасы иле багълана билесинъиз.