Предыдущая публикация
Երբ հոգիս դու բացես նոր գրքի նման,
Որում ամենը կլինի անծանոթ,
Գուցե քո սրտին հին հուշեր կգան,
Հեռու օրերը կթվան քեզ մոտ:
Երբ երազներում լուսնի լույսի տակ,
Առաջին սիրո խոսքերը լսես`
Գուցե փոթորկի հոգիդ անհատակ,
Գուցե այդ պահին տողերս հիշես:
Երբ վերջին անգամ դու տաս հրաժեշտ,
Շրջվես թախծալից ու լուռ հեռանաս,
Թող ես մոխրանամ մութ անցյալի հետ,
Դառնամ հուշերիդ անբաժան մի մաս:
Երբ երես թեքի բախտը քեզանից,
Եվ դավաճանեն բոլորը քեզ,
Հիշիր դու գիրքը` ծնված իմ սրտից,
Հիշիր տողերը, որ կապեցին մեզ:
Պահիր քո ձեռքում գիրքը իմ հոգու,
Թող լուսավորի ուղին քո առջև,
Երազումդ գուցե կտեսնենք մեկմեկու,
Որ հավետ այրվի հուրը մեր միջև :
Присоединяйтесь к ОК, чтобы подписаться на группу и комментировать публикации.
Комментарии 4