Կրոնների մեծ մասը մարդիկ են հիմնել և բոլորն էլ հիմնված են մարդկանց փիլիսոփայության, գործառնության կանոնների և սկզբունքների
վրա: Հանեք այդ կրոնների հիմնադիրներին նրանց ստեղծած կրոնից, կրոնական
պաշտամունքից և կտեսնեք, որ դրանով գրեթե ոչինչ փոխած չեք լինի այդ կրոններում: Բայց փորձեք հանել Հիսուս Քրիստոսին քրիստոնեությունից, և կտեսնեք, որ ամեն ինչ կիմաստազրկվի,
քանի որ Սուրբ Գրային քրիստոնեությունը
սոսկ կյանքի փոփոխություն
չէ և ոչ էլ բարոյագիտական
չափանիշ կամ որևէ կրոնական ծիսակատարության պահպանում: Ճշմարիտ քրիստոնեությունը
հիմնված է հարուցյալ և կենդանի Փրկչի հետ հաստատված կենսական և անհատական հարաբերության վրա (​Բիլլ Բրայթ):

Ես չգիտեմ թե ինչ կմնա քաղաքակրթությունից և պատմությունից,
եթե գրականությունից, արվեստից, գործնական կյանքից, բարոյական չափանիշներից
և մտքի ու հոգու տարբեր կարողությունների ստեղծագործություններից ջնջվեն Հիսուս Փրկչի կուտակված ուղղակի կամ անուղղակի ազդեցությանը (Դոկտոր Չարլս Մալիք` Միացյալ Ազգերի Ընդհանուր Ասամբլեայի նախկին նախագահ):

Ես վստահ եմ, որ չկա Հիսուսից ավելի սքանչելի, ավելի խորը, գթառատ և կատարյալ որևէ մեկը: Ինքս ինձ ասում եմ, որ ոչ միայն Նրա նման մեկը չկա, այլ
նաև ոչ ոք չի էլ կարող երբևէ լինել Նրա նման (Ֆյոդոր Դոստոևսկի`
ռուս վիպասան):

Միայն երեք տարիներ եղան Իր քարոզության և ծառայության ժամանակաշրջանը` բայց այդ կարճ ժամանակը բավարար եղավ պատմության ընթացքը հիմնովին փոխելու: Մեկ
գիրք իսկ չգրեց, բայց աշխարհի մատենադարանների մեջ բավարար տեղ չկա Իր մասին գրված գրքերը տեղվորելու: Մեկ երգ իսկ չշարադրեց` բայց բյուրավոր բանաստեղծությունների նյութ դարձավ, ու միլիոններ այսօր իրենց երգերով Իրեն կպատվեն... Ով
էր այդ Մարդը?, որ Իր ծնունդով պատմությունը երկու շրջանների բաժանեց` Քրիստոսից առաջ և Քրիստոսից հետո... Ուր
որ Քրիստոսի անունը և ազդեցությունը հասել է` վայրի ժողովուրդները
քաղաքակիրթ են դարձել, մարդակերները բարեփոխվել են, ոճրագործները փրկվել ու փոխվել են: Այսօր
մոտ մեկ ու կես միլիարդ մարդ Իր անունով կճանաչվեն ու Իրեն կպաշտեն (​Սամվել Լ. Բամբակյան):