10 խոստում, որ կզորացնեն մեր սրտերը

10 խոստում, որ կզորացնեն մեր սրտերը Բոլորս մեր առջև առաջադրանքներ ունենք դրված, որոնք պետք է իրականացնենք:
Մենք ծառայում ենք, մենք ջանք ենք թափում: Սակայն այդ ծառայությունն Աստծո շնորհի զորության արդյունքն է: Ինչպե՞ս է դա լինում:
Պատասխանս ուզում եմ այսպես հիմնավորել. եթե ուզում եք հաջողությամբ իրականացնել ձեր առջև դրված հանձնարարությունը, ուրեմն վստահեք հենց այն խոստմանը, որ Աստված է տվել՝ մեզ օգնելու մասին: Հետո այդ հավատքով լցված գործեք և գոհացեք Տիրոջից:
1. Ընդունեք, որ ոչինչ սեփական ուժերով անել չեք կարող:
2. Աղոթեք Աստծուն օգնության համար:
3. Վստահեք Աստծո օգնության մատակարարման խոստմունքին:
4. Գործեք հավատքով:
5. Գոհացեք Աստծուց այն օգնության համար, որ Նա տալիս է ձեզ:
Կարծում եմ՝ այս հինգ կետից վստահելն իրապես մեծ նշանակություն ունի: Շատերս պարզապես հավատում ենք ու աղոթում՝ մոռանալով վստահելու մասին: Սա մի քայլ է, որ բացակայում է բազում քրիստոնյաների մոտ:
Պողոսն ասում է՝ «քայլում ենք հավատքով» (Բ Կորնթացիս 5.7) և «ապրում ենք հավատքով» (Գաղատացիս 2.20): Սակայն շատերիս այս ապրելակերպն օտար է:
Եվ ահա իմ առաջարկը, թե ինչպես անել դա. մտապահել մի քանի խոստումներ Աստվածաշնչից, որոնք կօգնեն ձեզ յուրաքանչյուր իրադրության մեջ՝ անելու «այն զորությունից, որ Աստված է շնորհում»:
Ահա 10 խոստում, որոնցով կարող եք սկսել:
1. «Մի վախենար, որովհետև ես քեզ հետ եմ, մի վեհերիր, որովհետև ես քո Աստվածն եմ. Ես զորացրել եմ քեզ, նաև օգնել եմ քեզ. Նաև քեզ հաստատել եմ իմ արդարության աջովը» (Եսայի 41.10):
2. «Եվ իմ Աստվածը լրացնի ձեր ամեն կարոտությունն իր հարստության չափովը՝ փառքով Քրիստոս Հիսուսում» (Փիլիպեցիս 4.19):
3. «Բայց Աստված կարող է ամեն շնորհքներն ավելացնել ձեզանում. Որ ամեն բանի մեջ ամեն ժամանակ ամեն բավականություն ունենալով ամեն բարի գործի համար ավելանաք» (Բ Կորնթացիս 9.8):
4. «…Չեմ թողիլ քեզ և երեսից չեմ գցիլ։ Այնպես որ համարձակ ենք ասելու. Տերն է իմ օգնականը, և ես չեմ վախենալ, ի՞նչ կանի ինձ մարդը» (Եբրայեցիս 13.5-6):
5. «Որովհետև Տեր Աստվածն արև և վահան է. Տերը շնորհք և փառք է տալիս. նա ոչ մի բարիք չէ խնայում անարատությունով գնացողներից» (Սաղմոս 84.11):
6. «Որ իր Որդին էլ չխնայեց, այլ մեր ամենի համար մատնեց նրան. Էլ ի՞նչպես նրան հետ ամեն բան չի շնորհի մեզ» (Հռոմեացիս 8.32):
7. «Հենց բարիք և ողորմություն կգան իմ ետևիցն իմ կյանքի բոլոր օրերումը և Տիրոջ տանը կբնակվեմ շատ երկար ժամանակ» (Սաղմոս 23.6):
8. «Արդ հնազանդեցեք Աստծուն, հակառակ կացեք սատանային, և նա կփախչի ձեզնից» (Հակոբոս 4.7):
9. «Եվ նա ինձ ասաց. Բավական է քեզ իմ շնորհքը, որովհետև իմ զորությունը տկարության մեջ է կատարվում» (Բ Կորնթացիս 12.9):
10. «Եվ կանչիր ինձ նեղության օրում. Եվ ես կազատեմ քեզ, և դու կփառաբանես ինձ» (Սաղմ. 50.15):
Ջոն Փայփեր