Անհնազանդության հավաք.

այսօր՝ ժամը 18:00-ին
Այսօր՝ ժամը 18:00-ին, Ազատության հրապարակում «Ոչ թալանին» նախաձեռնությունը կանցկացնի անհնազանդության հավաք:
Այս մասին տեղեկացնում է ֆեյսբուքյան նախաձեռնությունը: Տարածված հայտարարությունում ասվում է.
«Հարգելի՛ հայրենակիցներ, երեկվա դեպքերը հերթական անգամ ցույց տվեցին բռնապետական իշխանության, մասնավորապես՝ սուտասան Սարգսյան Սերժի իր իսկ ժողովրդի դեմ ունեցած վախը: Երբ մեր ընկերները դժվարությամբ «գրավեցին» Բաղրամյան պողոտան, շատերս տանը հանգիստ նստած էինք: Լուսադեմին ոստիկանությունն ուժ կիրառեց մեր ընկերների հանդեպ, որն անընդունելի է: Այդ իսկ պատճառով կոչ ենք անում հայ ժողովրդին ոտքի կանգնել ու անհնազանդությունների ակցիաներ իրականացնել: Այսօր բոլորս մեկ մարդու նման՝ ժամը 18:00-ից, հավաքվում ենք Ազատության հրապարակում՝ տեր կանգնելու մեր իրավունքներին և սատարելու մեր ընկերներին: Պայքարը շարունակվում է »:
Նորություններ12.09.2015 | 12:06