Ինչպես հաղորդում է Sport - ը, որպես աղբյուր նշելով արգենտինական Olé - ն, Լեո Մեսսին փոխել է իր որոշումը և կվերադառնա հավաքական:

Հերթական եզրափակչում ցավալի պարտություն կրելուց հետո Լեո Մեսսին հայտարարեց, որ հեռանում է հավաքականից: Սակայն Olé - ի տվյալներով ալբիսելեստեի ավագն ու առաջատարը փոխել է իր որոշումը:
Համաձայն նույն աղբյուրի, Արգենտինայի հավաքականի նորանշանակ գլխավոր մարզիչ Էդգարդո Բաուզան առաջիկա օրերին մտադիր է Բարսելոնայում հանդիպել Մեսսիին, իսկ վերջինս այդ հանդիպման ժամանակ պատրաստվում է հայտնել, որ փոխել է որոշումը:
Եթե այս տեղեկությունը ճիշտ է, ապա Լիոնելն ալբիսելեստեի կազմում սեպտեմբերի 1 - ին և 6 - ին կմրցի Ուրուգվայի և Վենեսուելայի հավաքականների հետ համապատասխանաբար