♥●•Չգտա ես քեզ

Ես որոնեցի ու քեզ չգտա,
Չգտա ես քեզ իմ երազներում,
Տարիներն անցա՜ն,
Անցա՜ն անաղմուկ:
Ես քեզ՝ հեքիաթի հերոսի նման
Մի՜շտ որոնեցի իմ երազներում,
Կարծեցի, որ դու իմ հոգում ես դեռ,
Որ դու ինձ հետ ես իմ երազներում:
Ես քեզ փնտրեցի երկա՜ր, շա՜տ երկար,
Եվ թվաց, թե դու իմ կողքին ես դեռ,
Որ դու ապրում ես իմ երազներում:
Տարիներն անցա՜ն՝ չգտա ես քեզ,
Եվ այն հեքիաթի հերոսի նման,
Որ հավատում է իր երազներին,
Քնած, թե արթուն, անվե՜րջ, անդադա՜ր,
Ես քեզ փնտրեցի…
Ու հիմա գիտեմ, որ դու էլ չկաս,
Եվ ինչքան էլ որ ցանկանամ ես քեզ,
Էլ չեմ գտնելու…
Թող այդպես լինի,
Թող չտեսնեմ քեզ,
Բայց գեթ հավատամ,
Որ դու, սիրելի՜ս,
Կապրես, կլինես
Իմ… երազներում: