Предыдущая публикация
Վաղը կայանալիք Բարսելոնա - Ռեալ Սոսյեդադ հանդիպումից առաջ մամլո ասուլիսի է ներկայացել Լուիս Էնրիկեն: Ներկայացնում ենք առավել հետաքրքիր հատվածները:
"Ռեալ Սոսյեդադը շատ լավ գիտի, թե ինչպես վարվել գնդակի հետ, կարողանում է ճնշում գործադրել: Նրանք ուժեղ թիմ ունեն և փորձելու են ճնշում գործադրել մեր դարպասապահի վրա: Շատ բարդ մրցակից է, գավաթային պատասխան խաղում նրանք մեզ 2 գոլ խփեցին, Սոսյեդադն ամենաբարդ մրցակիցներից մեկն է, որին կարող էինք հանդիպել մրցաշրջանի վերջում":
"Յուվենտուսի դեմ խաղից հետո ֆուտբոլիստների հայտարարություններն արվել են տաք գլխով: Չեմ ափսոսում իմ խոսքերի համար, այն, որ մենք պրոֆեսիոնալներ ենք, ոչ ոքի մոտ կասկածի տեղիք չի տալիս, գիտենք, որ ամեն ինչ փոփոխվում է և շատ արագ: Չեմ կասկածում իմ թիմի ուժերի վրա: Այս արդյունքն ավելի հեշտ է վերադարձնել, քան Փարիզում գրանցվածը: Ծանր ու բարդ է լինելու, բայց դեռ մի քանի օր կունենանք Չեմպիոնների լիգային պատրաստվելու համար: Ցանկացած չափից դուրս լավատեսական կամ վատատեսական հայտարարություն հետևանքն է այն բանի, ինչ զգում էին ֆուտբոլիստները խաղից հետո":
"Ֆուտբոլիստները գիտակցում են Ռեալ Սոսյեդադի դեմ խաղի բարդությունը: Ցանկանում ենք հնարավոր ամեն ինչ անել Լա Լիգայում և դրա համար նախ պետք է հաղթենք վաղը":
"Պետք է արագորեն վերականգնվել: Մեծ տարբերություն կա 2 մրցաշարերի միջև: Թուրինում մենք 2 - րդ կեսում մեր մակարդակի վրա էինք: Ես բարձր եմ գնահատում մեր հնարավորությունները պատասխան խաղում: Բայց նախ մենք պետք է հաղթենք Ռեալ Սոսյեդադին":
"Երբեք կասկածներ չեմ ունեցել խաղային համակարգի, մրցակցին խնդիրներ առաջադրելու միջոցների վերաբերյալ: Չեմ պատրաստվում ինչ - որ բան հայտնագործել, օգտագործելու եմ իմ տրամադրության տակ եղած ֆուտբոլիստների հնարավորությունները":
"Եթե պատասխան խաղում բախտը ժպտա մեզ այնպես, ինչպես Թուրինում, ապա ոչնչի չենք հասնի: Գոլեր խփելու հիանալի հնարավորություններ ունեցանք: Մրցակիցն օգտագործեց առաջին կեսում մեր վատ խաղը պաշտպանությունում և առջևի գծում: Յուվեն շատ գոլեր բաց չի թողնում, բայց թույլ տվեց շատ պահեր ստեղծել: Նապոլին, օրինակ, լավ օգտագործեց իր պահերը վերջին խաղում: Ինչպես միշտ, ռիսկի ենք դիմելու, որպեսզի հասնենք ցանկալի արդյունքի: Մեզ ավելի քիչ գոլ է պետք խփել, քան խփեցինք ՊՍԺ - ին: Բայց այս պահին Յուվեն ինձ ընդհանրապես չի հետաքրքրում: Ինձ հուզում է միայն վաղվա խաղը":
"Ակնհայտ է, որ այս ամենի մեղավորը ես եմ: Սխալն իմն է: Զայրանում եմ, երբ չենք հասնում մեր նպատակներին: Ցանկացած պարտության ամենամեծ մեղքը դրվում է մարզչի վրա: Ես ոչնչում չեմ սխալվել Թուրինում":
"Ինչ վերաբերում է խաղացողներին, ես նրանց հետ անկեղծ եմ և ցանկանում եմ, որ դա փոխադարձ լինի: Թուրինում մենք սխալվում էինք առանց գնդակի":
"Ես եմ որոշում ամեն ինչ, թիմի դասավորությունը.... դա իմ պատասխանատվությունն է: Լրագրողների համար ամենահեշտը խաղերի բացասական հատվածը գտնելն է: Սա սպորտ է, որն ունի որոշակի կառուցվածք, այդ պատճառով գլխավոր մեղավորը ես եմ: Բայց դա ինձ չի արգելում լինել անկեղծ և ասել այն, ինչ մտածում եմ":
"Միլանի վաճա՞ռքը: Միլանը երկար ժամանակ է, ինչ ցածր է իր մակարդակից: Այժմ նրանք ունեն երիտասարդ խաղացողներ, ովքեր կարող են բարելավել իտալական ֆուտբոլը: Դա մեծագույն թիմ է":
"Պետք չէ իմ ասածներից դուրս այլ բաներ մտածել ստեղծված իրավիճակի շուրջ: Նորմալ է, որ երկրպագուները զայրացած են: Բոլորի մտքում միայն հաղթանակներն են: Նորմալ է, որ երկրպագուները դժգոհ են մեզանից: Գիտեմ, որ մարզադաշտի կոնկրետ հատված ոգևորելու է մեզ: Ծանր պահ է ֆուտբոլիստների համար, բայց մենք պատրաստ ենք ընդունել երկրպագուների աջակցությունը: Ցանկանում եմ, որ նրանք շարունակեն ոգևորել թիմին, անկախ նրանից, թե ինչ կորոշի մարզիչը: Բոլորն էլ կրծքին կրում են ակումբի զինանշանն ու զգում կապտանռնագույն մարզաշապիկը: Եթե խաղից հետո լինի հատված, որը կսուլի, մենք կհասկանանք դա: Վաղվա խաղում մեր նպատակը 3 միավոր վաստակելն է":
Следующая публикация
Нет комментариев