Сен эркаксан, кучинг мендан зиёда, бунга ҳеч эътирозим йўқ.

Банканинг қопқоғини очолмайдиган пайтларим бўлади.
Ўнталаб елим халтани дўкондан бир қўлимда кўтариб келадиган қувватим йўқ, биламан.
Тунда кимсасиз жойларда юрганимда соянгдан мадад умид қиламан...
Устахоналарда ишлаб тонна-тонна юк остига кириб ишлайдиган жасоратим йўқ.
Баъзан йиғлоқи руҳга бурканишим, беъмани инжиқликлар қилишим, ноўрин эркалик билан юрагингни сиқишим мумкин.
Аммо мен АЁЛман!
Онаман, опаман, сингил, хола, амма, қиз...
Мен қадр-қийматлиманки, ота уйидан чиқаётганимда оппоқ келинликка муносиб кўрилибман.
Мен қийматлиманки, "Жаннат оналарнинг оёқлари остида" дейилибди, мен бебаҳоманки Аллоҳ аёлларни сиз эркакларга омонат қилибди.
Кучлисизлар, тўғри. Лекин омонатга хиёнат қилдингиз.
Биз бўлмасак, наслингиз тугаб-битади. Биз бўлмасак ранги рўйингиз сомон бўлади. Биз бўлмасак қуёшингиз ботади.
Менга яшаш ҳуқуқини сен эмас, Аллоҳ берди. Унинг амрларидан ташқари менга қўл кўтаришга ҳақинг йўқ!
✍️ 𝔅𝔞𝔥𝔬𝔯 𝔤𝔲𝔩𝔦