Келиб кетмайсизми ҳолим кўргани,

Кунда зўраймоқда бу дард оғриғи.
Хабарингиз борми, йўқми билмадим,
Сиздан бир жароҳат қолган чандиғи.
Келиб кетмайсизми, ҳолим кўргани,
Яширсамда рангим қилмоқда ошкор.
Биламан-ки ҳамон осмон сиз, осмон,
Ё, аҳвол сўрашга, қиласизми ор.
Биргина ҳол сўрмоқ шунчалар қийин,
Балки ғурурингиз атай, йўл қўймас.
Сиз мағрур биламан, эгилмайсиз ҳеч,
Унутманг, Аллоҳ ҳам кибрни суймас.
Кўнглим ёздагидек, эмасман хафа,
Ҳол сўрмасангиз унданда нари...