Предыдущая публикация
Կառավարությունը արդարադատության նախարարությանը լրացուցիչ 140, 1 մլն դրամ է հատկացրել պահուստային ֆոնդից 221 լրացուցիչ էլեկտրոնային սարքավորումների ձեռքբերման համար։ Դրանցից 127-ը տնային կալանքի համար և 94-ը վարչական վերահսկողության համար։ Էլեկտրոնային հսկման սարքավորումների միջոցով Հայաստանի արդարադատության նախարարությունը վերահսկում է կասկածյալների տեղաշարժը։
Այսօր Հայաստանում մեկնարկում է ժամկետային և այլընտրանքային շարքային ծառայության ամառային զորակոչը։ Այն կտևի մինչև հուլիսի 31-ը և կտարածվի 18 տարին լրացած Հայաստանի քաղաքացիների վրա, որոնց նախկինում տրված տարկետման ժամկետը ավարտվում է մինչև հունիսի 30-ը, ինչպես նաև կանանց վրա, ովքեր մինչև մարտի 1-ը դիմումներ են ներկայացրել կամավոր ծառայության անցնելու վերաբերյալ։
Տնտեսական գիտությունների դոկտոր Գրիգորի Վահանյանը անցյալ շաբաթ պատմել է, որ Հայաստանում վերջին տասնամյակում երկու անգամ կրճատվել է թեկնածուական ատենախոսություն պաշտպանածների թիվը, 150-ով պակասել է գիտությունների դոկտորների թիվը, 1000-ով գիտությունների թեկնածուների թիվը, 2000-ով պրոֆեսորա-դասախոսական անձնակազմը բուհերում։ Սովորողներ և սովորեցնողներ չկան։
Երևանի անշարժ գույքի վարչության պետ Վահան Խաչատրյանը հայտնել է, որ «Գաֆեսճյան թանգարանը» Երևանին նվիրել է 5105 քառակուսի մետր ընդհանուր մակերեսով հողատարածքներ, որոնք կօգտագործվեն քաղաքի բարեկարգման համար։ Իր նամակում հիմնադրամի տնօրենը նշել է նվիրատվության պայմանները. նշված տարածքներում արգելված է կառուցապատումը։
Իշխանությունները որոշում են կայացրել կրճատել բանակում ծառայությունից ազատող հիվանդությունների թիվը։ Որոշ հիվանդությունների առկայության դեպքում զորակոչիկները կհամարվեն «սահմանափակ պիտանի», ինչը ամբողջությամբ չի բացառում բանակում ծառայելու հնարավորությունը։ Այդ դեպքերից են կիստայի առկայությունը առանց ախտանշանների և պաթոլոգիական փոփոխությունների, ուրոլոգիական և նյարդաբանական հիվանդությունների հեշտ ձևերը, այդ թվում գիշերամիզիթյունը։
загрузка
Показать ещё