Քարն ի՞նչ իմանա,

Թե ցավը ինչ է,
Սարն ի՞նչ իմանա,
Թե դավը ինչ է,
Նա, ով ուրիշի
Ցավը չի տեսել,
Հաստատ չգիտի,
Թե հոգին ինչ է:
Չարն ի՞նչ իմանա,
Թե աղոթքն ինչ է,
Կույրն ինչ իմանա,
Թե լույսը ինչ է,
Նա, ով երկնքի
Ձայնը չի լսել,
Հաստատ չգիտի,
Հավատը ինչ է:
Հարուստն ի՞նչ գիտի
Քաղցելը ինչ է,
Անհոգն ի՞նչ գիտի
Թե հոգսը ինչ է,
Նա, ով ուրիշին
Հենակ չի դարձել,
Նա էլ չգիտի,
Թե բարին ինչ է:
Սևը ի՞նչ գիտի
Թե սպիտակն ինչ է,
Մռայլն ինչ գիտի
Արևը ինչ է,
Նա, ով ընկածին
Վեր չի բարձրացրել,
Նա էլ չգիտի,
Թե խիղճը ինչ է:
Ժպիտն ի՞նչ գիտի
Արցունքը ինչ է,
Հպարտն ի՞նչ գիտի
Տկարն ի՞նչ է,
Նա, ով ուրիշին
Երբեք չի օգնել,
Հաստատ չգիտի,
Թե Աստված ինչ է:
Վեհ հոգի նա ունի,
Ով Չմարդի
Հետքը չի փնտրի,
Ով շատ լավ գիտի,
Թե բարին ինչ է,
Ով չի շեղում
Ճամփան ուրիշի
Եվ շտապում է,
Որ նրան օգնի,
Նա շատ լավ գիտի,
Աղոթքը ինչ է,
Նա շատ լավ գիտի`
Որ Աստված փրկիչ է:
Արմինե Ասպար