Евангелие от Марка, зачало 11

Во вре́мя о́но, сове́т сотвори́ша фарисе́е на Иису́са со иродиа́ны, ка́ко Его́ погубя́т. Иису́с же оты́де со ученики́ Свои́ми к мо́рю, и мног наро́д от Галиле́и по Нем и́де, и от Иуде́и, и от Иерусали́ма, и от Идуме́и, и со о́наго по́лу Иорда́на. И от Ти́ра и Сидо́на мно́жество мно́гое, слы́шавше, ели́ка творя́ше, и приидо́ша к Нему́. И рече́ ученико́м Свои́м, да кора́бль бу́дет у Него́ наро́да ра́ди, да не стужа́ют Ему́. Мно́ги бо исцели́, я́коже напа́дати Ем, да Ему́ прико́снутся, ели́цы име́яху ра́ны. И ду́си нечи́стии, егда́ ви́дяху Его́, припа́даху к Нему́ и зва́ху, глаго́люще, я́ко Ты еси́ Сын Бо́жий. И мно́го преща́ше им, да не явле́нна Его́ сотворя́т.
Слава Тебе Господи, слава Тебе!