Тэрийээччилэр: «С.Я. Левин аатынан норуот айымньытын киинэ»
Күрэх ыытыллар бириэмэтэ, сирэ: Күрэх, 2024 сыл муус устар ый 27 күнүгэр, С.Я Левин аатынан норуот айымньытын киинигэр буолар.
Күрэх сыала - соруга:
- саха норуота үйэттэн – үйэҕэ илдьэ кэлбит сахалыы таҥаһын кэрэхсэбилин үрдэтии;
- сахалыы төрүт таҥаһы үйэтитии;
- иис, өбүгэ үгэһиттэн кэлбит ойуу - мандар, симэх үгэстэрин киэҥник тэнитии;
- 2024 сылга Амма улууһугар буолар олоҥхо ыһыаҕар бэлэмнэнии.
Күрэххэ кыттыы:
- I бөлөх – Бөтүҥ нэһилиэгэр олохтоохторо, биирдиилээн дьон;
- II бөлөх – Бөтүҥ нэһилиэгин тэрилтэлэрэ.
Бөлөхтөрүнэн быһаарыы, күрэх ирдэбилэ:
I бөлөх. Бөтүҥ нэһилиэгин олохтоохторо (дьахтар, эр киһи) кытталлара көҥүл. Кыттааччы таҥаһа-саба (бииллээх сон, бууктаах сон, кытыылаах сон, кэһиэччик, оноолоох сон, сарыы сон, сайыҥҥы солко сон, сарыы кэһиэччик, сэлиэччик, халтаҥ сон, халтаҥ хомуһуол сон уо.д.а.) анал бэйэтин киэнэ буолара ирдэнэр. Таҥаһы ким баҕарар тикпит эбэтэр атыылаһыллыбыт эмиэ буолуон сөп.
Хос быһаарыы: Кыттааччы төбөтүттэн атаҕар тиийэ сахалыы таҥастаах: сонугар, халадаайыгар, бэргэһэтигэр (дьабакы, бастыҥа, кылынан сэлээппэ уо.д.а.), симэҕэр (өттүк симэҕэ, бастыҥа, илин-кэлин кэбиһэр, бөҕөх, ытарҕа, дэйбиир уо.д.а.), атаҕын таҥаһыгар, үтүлүгэр тиийэ толору буолара биһирэнэр, туспа критерийынан баал эбэр.
Күрэскэ таҥас быһыыта, сиигэ, ойуута, дьүһүнүн дьүөрэлэһиитэ, уус-уран көрүҥэ, симэҕи – киэргэли сөпкө туһаныыта сыаналанар. Кыттааччылары күрэс саҕаланыан иннинэ дьүүллүүр сүбэ таҥастарын сыныйан көрөр. Кыттааччылар сайаапканы эрдэтинэ толорон ыыталлар (1-кы сыһыарыы).
II бөлөх. Бөтүҥ нэһилиэгин тэрилтэлэрин үлэһиттэрэ бэйэлэрэ эбэтэр атын киһи тикпит таҥаһынан кыттыахтарын сөп, хас биирдии сахалыы таҥастаах (таҥас көрүҥэр хааччах суох) киһи бэйэтин тэрилтэтигэр баал эбэр, түмүк уопсай тэрилтэ үлэһиттэрин ахсааныттан кыттааччытын бырыһыанынан тахсар. Бары уопсай парадка кытталлар.
Дьүүллүүр сүбэ:
Дьүүллүүр сүбэҕэ идэтийбит иис үлэһиттэриттэн, тустаах эйгэҕэ үлэлэһэр специалистар үлэлиэхтэрэ.
Наҕараадалааһын:
I бөлөх кыайыылаахтара I үрдэл - 10 000 солк., II үрдэл - 8 000 солк., III үрдэл - 5 000 солк. харчынан, анал аат кыайыылаахтара бириистэринэн, грамотанан наҕараадаланыахтара. Хас биирдии кыттааччыга туоһу сурук туттарыаллыаҕа.
II бөлөх кыайыылаахтара I үрдэл - 5 000 солк., II үрдэл - 4 000 солк., III үрдэл - 3 000 солк. харчынан, грамотанан наҕараадаланыахтара.
Сиһилии билсэр нүөмэргит: 89248752299, Марианна Кырбасова
1-кы сыһыарыы. I бөлөххө кыттарга сайаапка ис тутула:
№Күрэскэ кыттыыга ирдэнэр:
1Кыттааччы ААА __________
2Иистэнньэҥ (-нэр) ААА ________
3Кыттар таҥаһын ис хоһооно (аннотацията)_______
4 Телефонун нүөмэрэ______
Присоединяйтесь к ОК, чтобы подписаться на группу и комментировать публикации.
Нет комментариев