Биһиги нэһилиэкпит 1771 сыл балаҕан ыйын 9 күнүгэр төрүттэммитэ. Ити кэмтэн ыла «Сунтаар Хоролоро» диэн икки халыҥ аҕа уустарын туһунан поляк Роберт Маак айымньытыгар бэлиэтээбитэ баар. Октябрьскай революция кэнниттэн билиҥҥи Хоро сиригэр «Омот Омоллоон», «Сатыс», «Харыйалаах», «Якутия» диэн оччотооҕу кэмҥэ элбэх киһилээх, сыспай сиэллээх, хороҕор муостаах колхозтар үөскээн сылдьыбыттара.
Быйыл 2023 сылга Хоро нэһилиэгэ сурукка киирбитэ 252 сыла, оскуола арыллыбыта 92 сыла. Нэһилиэк баһылыгынан Ефимов Валерий Петрович үлэлиир. Кус Хоробут сайда чэчирии турарыгар эрэллээхпит, ол туһугар бары биир сомоҕо буолан үлэлии-хамныы сылдьабыт.
Бу үөрүүлээх түгэҥҥэ балаҕан ыйын 9️⃣ күнүгэр ХОРО НЭҺИЛИЭГЭ ТӨРҮТТЭМИТЭ 252 СЫЛЫН көрсө «Харысхал» култуура киинигэр нэһилиэк Аҕа баһылыга Ефимов Валерий Петрович эҕэрдэлээх, эҕэрдэ нүөмэрдээх 🎤 🎶 нэһилиэк олохтоохторо, ыалдьыттара, «Татыйыына» маҕаһыын кыттыылаах «Күһүҥҥү киһи күлбүтүнэн» атыы-эргиэн дьаарбаҥката буолан ааста 🍒🥕🥔🥬
Ону тэҥэ «Кус Хоро - мин дойдум» - биир дойдулаахтарбыт, нэһилиэкпит олохтоохторун кинигэлэрин выставката тэрилиннэ 📕📚
«Корзина добра» нэһилиэкпит аҕам саастаахтарыгар күһүҥҥү оҕуруот аһын бэлэхтэриттэн үтүө санаа акцията ыытылынна 🍅🥬🌶️
Хоробут нэһилиэгин ытыктыыр аҕам саастаах киһибитигэр Захарова Анастасия Петровнаҕа биир биэдэрэ Отон, өр сылларга киномеханигынан үлэлээбит, билигин бочуоттаах сынньалаҥҥа олорор Ефимова Татьяна Петровнаҕа биир биэдэрэ Отон, аҕам саастаах киһибитигэр, өр сылларга администрация дьиэтигэр оһох оттооччунан үлэлээбит Иванов Валентин Гаврильевичка биир биэдэрэ Хортуоска, өр сыл оҕо уһуйааныгар үлэлээбит Жиркова Вера Николаевнаҕа кып кыһыл помидордары, сылгыһыт Саввинов Иннокентий Афанасьевичка моркуоптары, консерваламмыт салат үөрүүлээх быһыыга туттардыбыт, бу үтүө күҥҥэ толору Дьолу бэлэхтээтибит. Бу акцияҕа кыттыспыт дьоммутугар, биир дойдулаахтарбытыгар улахан махтал 🙌🏻
Присоединяйтесь к ОК, чтобы подписаться на группу и комментировать публикации.
Нет комментариев