Учуутал кунун нэдиэлэтин былааныгар оло5уран уонна “Эдэр педагогтар тумсуулэрэ” диэн ааттаах улуустаа5ы методическай программа чэрчитинэн Дьөккөҥҥө «Ыллыкчаан» уьуйааммытыгар эдэр педагогтарга аналлаах араас тэрээьин буолан ааста .

Оҕо саадыгар быйыл ус эдэр педагог ситиһиилээхтик үлэлии сылдьаллар. Ол курдук быйылгы бүтүн Арассыыйа үрдүнэн биллэриллибит педагог уонна наставник сылыгар сөп түбэһиннэрэн үлэ былаан быһыытынан барар. Эдэр педагог Ксения Афанасьевна Дмитриева биһиги оҕо саадпытыгар үлэлээбитэ быйыл үһүс сыла. Кини биһиги биир дойдулаахпыт бөдөҥ политическай деятель Степан Филиппович Гоголев аатынан Дьокуускайдааҕы педагогическай колледжы ситиһиилээхтик 2021 сыллаахха бүтэрбитэ. Эдэр педагогы үөрэҕин бүтэрээтин оҕо саадыгар музыкальнай салайааччы уонна психолог ставкаларыгар ылбыттара. Ксения Афанасьевна үлэтигэр олус кыһаллан үлэлиир. Психолог быһыытынан оҕолор уйулҕалара чөл буоларын наадатыгар эрдэттэн төрөппүттэрин кытта диагностика ыытан элбэх методикалары туттан араас кэтээн көрүүлэри уонна занятиелары, биирдиилээн үлэлэри оҕону уонна төрөппүтү кытта ыытар.
Ксения Афанасьевна бэйэтэ олус үчүгэйдик ыллыыр буолан оҕолору кэрэ эйгэтигэр уһуйар. «Тэтимчээн» диэн фольклорнай бөлөх арыйан, оҕолору сахалыы төрүт дорҕооннорго эрчийэр. “Тэтимчээн” группаҕа дьарыктыыр оҕолоро былырыыҥҥы 2 төгүлүн ыытыллыбыт улуустааҕы «Музыкальная страна» диэн куонкуруска лауреат үрдүк аатын ылбыттара. Оҕолор сахалыы музыкальнай инструменнарга сүрдээҕин баҕаран туран оонньууллар. “Тэтимчээн” фольклорнай бөлөх оҕолоро «Таммахчаан» улуустааҕы ырыа-үҥкүү-фольклор конкурсугар кыайыылаах үрдүк аатын гран-при аатын ылбыттара. Манна барытыгар Ксения Афанасьевна дьоҕура, баҕата уонна оҕолорго үтүө сыһыана олук буолар.
Иккис биһиги детсаппытыгар үлэлиир эдэр педагог Туйаара Ивановна Охлопкова буолар. Кини быйыл Николай Гаврилович Чернышевскай аатынан Бүлүүтээҕи педагогическай колледжы иитээччи идэлээх бүтэрдэ. Опыттаах наставник педагогы Марианна Петровна Дмитриеваны кытта улахан уонна бэлэмнэнии бөлөх оҕолорун группатыгар үлэлэрин саҕалаатылар. Үлэлиир группалара былырыыҥҥы үөрэх дьылыгар эмиэ элбэх ситиһиилээхтэр. Ол курдук World skils робототехника чемпионатыгар “Полиглоты” номинация кыайыылаахтара, Kids skils «Поварское дело» куонкурсугар 3 миэстэни ылбыттара. Быйылгы дьылыгар эмиэ чемпионаттарга, куонкурстарга уонна математика олимпиадатыгар кыттаары бэлэмнэнэ сылдьаллар. Туйаара Ивановна иитиллээччилэрин «Сонор» интеллектуальнай оонньууларга сатаан оонньуурга үөрэтэр, бэлэмнэниир.
Үһүс эдэр педагогунан эмиэ быйыл үлэтин саҕалаата Айаана Еремеевна Михайлова. Кини эмиэ опыттаах наставник Светлана Прокопьесвна Афанасьевалыын кыра уонна орто бөлөх иитиллээччилэрин кэрэ эйгэтигэр сатаан саҥарарга, уруһуйдуурга, үҥкүүлүүргэ үөрэтэллэр. Оҕо кыра сааһыттан тулалыыр кэрэ эйгэни, дьоҕурун эрдэттэн таба көрөн сайыннарарга кыһаллан үлэлииллэр.