Театр күнүнэн

Кулун тутар 27 күнүгэр Аан дойду үрдүнэн бэлиэтэнэр «Театр күнүн» көрсө Наммыт улууһун муниципальнай тэриллиилэрин икки ардыгар уус-уран самодеятельность фестивалын иккис этааба ыытылынна. Иккис этаапка спектакыллары, спектакыллартан быһа тардыыны уонна кылгас сценкалары көрүү буолла. И.С.Охлопков аатынан культура дьиэтэ Степан Ефремов «Сааба Саарбаҕылыырап» биир көстүүлээх пьесатын уонна «Сөтүө содула» сценканы туруоран көрдөрдө. Пьеса сүрүн оруоллары Андрей Софронеев — Сааба, Сааба ойоҕо Мааппа — Сивцева Сардаана, кинилэр оҕолоро Коля — Модун Бэргэн оонньоотулар. Сценкаҕа оҕонньор оруолун Николай Ядрихинскай, эмээхсини Рада Уваровская оонньоон дьон биһирэбилин ыллылар.