Муус устар 25 күнүгэр, Аппааны бөһүөлэгин "Чороон" норуот айымньытын дьиэтигэр Жатайдааҕы техникум үлэһиттэрин, устудьуоннарын Улуу Кыайыы 80 сылыгар аналлаах "Служить России!

" диэн норуот тапталлаах ырыаһыттарын кытта холбоһуктаах кэнсиэрэ ыытылынна.
Кэнсиэр бастакы чааһыгар Жатайдааҕы техникум дириэктэрэ Владимир Иванович Тихонов быйылгы үөрэх сылыгар арыллан үлэлээбит фирменнэй суудунаны өрөмүөннүүр кылаас 23 оҕотугар үөрэхтэрин бүтэрбиттэрин туһунан сибидиэтилистибэлэри үөрүүлээх быһыыга-майгыга туттарда.
Бу кылаас 2024-2025 үөрэх сылыгар улууспутугар бастакынан тэриллибитэ. Оҕолор 9 ый устата үөрэтиини аастылар уонна «Судовождение» диэн туоһу суруктары ыллылар. Уолаттар анал форманан хааччыллан, үөрэх программатын толору баран, салгыы Жатайдааҕы техникумҥа үөрэнэр кыахтаннылар. Техникуму бүтэрдэхтэринэ, бииргэ үлэлээһин сөбүлэҥин чэрчитинэн Санкт-Петербурга үөрэхтэрин үрдэтиниэхтэрин сөп.