Быйылгы үөрэх дьылыгар «Школьное инициативное бюджетирование» диэн бырайыак күрэҕэр кыттарга сананныбыт.

Бастаан утаа күрэх балаһыанньатын кытары билистибит уонна үс хайысхаттан «Техническое​ оснащение или переоснащение ​объектов инфраструктуры общеобразовательных организаций”- диэн ис хоһоонноох хайысхаҕа тохтоотубут.
Муус устар уон түөрт күнүгэр социологическай ыйытык (опрос) ыытылынна. Бу талбыт хайысхаҕа үс тиэмэ куоластааһыҥҥа турда, ол курдук: 1. Оскуола актовай саалатын тупсарыы; 2. Киинэ уһулуутугар оборудование ылыы; 3. Театральнай студия тээбириннэрин ылыы. Биһиги оскуолабытыгар билиҥҥи туругунан 335 үөрэнээччи үөрэнэр. Онтон ахсыстан уон биирис кылааска диэри уопсайа түөрт уон сэттэ үөрэнээччи куоластааһыҥҥа кыттыыны ыллылар. Бастакы бырайыак иһин 38 куолас киирдэ, утары 6, туттуммут 3. Иккискэ 4 куолас, 43 утары. Үһүс этиигэ 1 куолас буолла, утары 46. Социологическай опрос түмүгүнэн элбэх куолаһы ылан актовай саала техническэй өттүн сайыннарыы — тупсарыы кыайыылааҕынан таҕыста. Оскуола туох баар тэрээһинэ олоччу актовайга ыытылларынан, аныгы кэмҥэ эппиэттиир, интерактивнай панель, уот-күөс баара наадалааҕынан ааҕылынна. Инникитин 2026 сыл Илья Егорович Винокуровпыт өрөгөйдөөх үбүлүөйэ буолаары турарынан, бу бырайыак тэрчитинэн кыайыылаах тахсарбыт буоллар диэн баҕа санаалаахпыт.
Алексеева А.А., саха төрүт култууратын учуутала.