“Нам улууһа”муниципальнай оройуон “Үөрэх салалтата ” былааныгар киирэн Арбын орто оскуолатын учууталларынан таҥыллан оҥоһуллубут 6-8 кылаас үөрэнээччилэригэр аналлаах “Өбүгэ суолунан” оонньуур хонуу муус устар 10 күнүгэр Партизан оскуолатыгар ыытыллынна.

Оонньуу төрөөбүт түөлбэттэн, нэһилиэктэн саҕалаан улууспут историятын, дьонун-сэргэтин, сирин-уотун билэргэ, үөрэтэргэ көҕүлүүр, интэриэһи үөскэтэр дириҥ суолталаах. Нам улууһун 12 оскуолаларыттан кыттыыны ыллылар.
Муҥутуур кыайыылааҕынан биһиги оскуолабыт “Үс сэргэ” хамаандата таҕыста уонна лааҕырга путевканан наҕараадаланна. Корякин Артем, 6б кылаас, Парникова Лилианна, 7 кылаас, кыайыыны чаҕылхайдык ситистилэр. Парникова Лия, иккис сылын кыттар, таһыччы билиитин көрдөрдө, сөхтөрдө. Салайаачыларын, Алевтина Афанасьевнаны, оҕолорбутун ситимнээх үлэ түмүктээх буолбутунаан эҕэрдэлиибит.