Бүгүн балаҕан ыйын 27 күнүгэр -Саха Өрөспүүбүлүкэтин Судаарыстыбаннаһын күнэ!

Бу үөрүүлээх,сүҥкэн суолталаах бырааһынньыгынан барыгытын ис сүрэхпититтэн эҕэрдэлиибит!
Бу биһиги өрөспүүбүлүкэбит элбэх омуктаах норуотун сомоҕолоһуутун кэрэһилиир, өрөспүүбүлүкэбит уонна дойдубут инники дьылҕатын туһугар эппиэтинэспитин санатар бырааһынньык. Платон Ойуунускай, Максим Аммосов,Исидор Барахов, Степан Аржаков курдук саха чулуу уолаттарын туруорсууларынан, сыралаах үлэлэринэн үйэ кэриҥэ кэм анараа өттүгэр Арассыыйа састаабыгар автономнай өрөспүүбүлүкэ аатын ылыы Саха сирин экэнэмиичэскэй, научнай, бырамыысылыннай уонна духуобунай өттүнэн сүҥкэн сайдыытын түстээбитэ.
Быйыл өрөспүүбүлүкэ судаарыстыбаннай суверенитетын туһунан декларациятын ылыныы 35 сылын туолар. Бу докумуон Саха сирин социальнай-экэнэмиичэскэй өттүнэн салгыы сайдыытын олугун уурбута.Онуоха Бастакы Бэрэсидьиэммит Михаил Николаев дьоһун кылааты киллэрбитэ. Бүгүн Саха Өрөспүүбүлүкэтэ – Арассыыйа Федерациятын тэтимнээхтик сайдар субъектарыттан биирдэстэрэ.
Сахабыт сирэ,Горнайбыт чэлгийэ үүнэ сайда турдун! Чэгиэн туругу уонна ситиһиилэри баҕарабыт.👏🏻👏🏻👏🏻
#Сирсимэхтэрэ