Бүгүн ыам ыйын 27 күнүгэр Улуу Кыайыы 80 сылынан, Бүтүн дойду үрдүнэн бибилэтиэкэ үлэһиттэрин күнүн көрсө I-кы төгүлүн ыытыллар улуустааҕы “ББК” (Бар.

Бул. Кыай.) автоквест оонньуу буолла. Тэрийээччилэр: И.М. Сосин аатынан улуустааҕы киин бибилэтиэкэ, Р.Г. Васильев аатынан улуустааҕы кыраайы үөрэтэр музей кэлэктиибэ. Автоквест оонньуу сыалынан Улуу Кыайыыны уһансыбыт буойуннар ааттарын үйэтитии, дойдубут, улууспут ааспыт историятын сиһилии билиһиннэрии буолар.
Бүгүҥҥү автоквест оонньууга уопсайа 9 хамаанда кыттыыны ылла: “Утум” (Макаровтар дьиэ кэргэн), “Белые воротнички” (Нолуок сулууспатын үлэһиттэрэ), “Хотун Төҥүлү” (Төҥүлү нэһилиэгин дьаһалтата) , “Патриот” (дьүөгэлиилэр), “УЭР” (Улуус дьаһалтата), “Леди в черном” (Бадаайы түөлбэ), “Сулустар” (Лоомтука нэһилиэгэ), “Күннээх үрүйэ” (Суола Моорук нэһилиэгэ), “Ночные ласточки” (дьүөгэлиилэр).
Тэрээһин саҕаланыытыгар “Майа тыа сирин түөлбэтин” баһылыгын солбуйааччы Дмитрий Александрович Игнатьев I-кы төгүлүн ыытыллар улуустааҕы “ББК” автоквест кыттыылаахтарын эҕэрдэлээтэ. Салҕыы хамаандалар ааттарын, девизтэрин билиһиннэрдилэр.
Кыттааччылар бэлэмнэммит, картаҕа ыйыллыбыт маршруттарынан сылдьан араас хайысхалаах сорудахтары толордулар. Оонньууга “2ГИС” сыһыарыыны туһанан, сорудахтары толорбуттарын кэннэ, станция аайы турар волонтердар кыттааччыларга буукуба туттардылар. Буукубалары хомуйан, “КЫАЙЫЫ” диэн тыл таһаарбыт, бастакынан кэлбит хамаанда кыайыылааҕынан таҕыста. “Финиш” станциятыгар “УЭР” хамаанда бастакынан кэлэн кыайыы өрөгөйүн биллэ. Төҥүлү нэһилиэгиттэн “Хотун Төҥүлү” хамаанда иккиһинэн кэллэ, үһүс “Патриот” хамаанда буолла. Кыайыылаахтар харчынанан, көһө сылдьар кубогынан, мэтээллэринэн наҕараадаланнылар.
“ББК” автоквест оонньуу сылын аайы ыытыллыаҕа.
#библиотекамк #ББК #автоквест