Ыам ыйын 16 күнүгэр И.

М.Сосин аатынан улуустааҕы киин бибилиотекаҕа сааһы көрсө ньургуһун күнүгэр анаан "Күн сибэккитэ - НЬУРГУҺУН" диэн литературнай тэрээһин буолла.
Тэрээһини сүрүннүүр библиотекарь Капиталина Семеновна Игнатьева тэрийэн ыытта.
Үһүс көлүөнэ оскуолатыттан, "Умсулҕан" драмстудия кружогуттан, инбэлииттэр уопсастыбаларыттан кэлэн ыалдьыттаан кыттыыны ыллылар.
Тэрээһин хоһоон ааҕыытынан саҕаланна. "Умсулҕан" драмстудия салайааччыта Марфа Васильевна Алексеева "Эбээҕэ" диэн И.М.Сосин сиэнэ Дуня Габышева суруйбут хоһоонун, үһүс көлүөнэ оскуолатын салайааччыта Валентина Николаевна Аманатова "Сибэкки ньургуна", "Ньургуһун барахсан" диэн авторскай хоһооннорун, үһүс көлүөнэ оскуолатын чилиэннэрэ Калисфена Николаевна Аммосова "Нуоҕайбыт ньургуһун" диэн бэйэтин авторскай хоһоонун, Мотрена Семеновна Харитонова "Олох туһунан" авторскай хоһоонун аахтылар. Бэрт интэриэһинэй викторина, оонньуулар оонньоннулар. "Умсулҕан" драмстудия ньургуһун күнүгэр анаан бэйэлэрэ уһуллан оҥорбут видеороликтарын көрөн тэрээһин түмүктэннэ.
Тэрээһин ыалдьыттара уонна кыттааччылара үөрэн, сэргэхсийэн, астынан бардылар. Кэлэн кыттыыны ылбыттарыгар махтанабыт.
#библиотекамк