Экраҥҥа СӨ национальнай архыыбын информационнай өҥөнү оҥорор отдел салайааччыта Екатерина Анатольевна Сергеенко, ону тэҥэ Саха Өрөспүүбүлүкэтин национальнай бибилэтиэкэтин салайааччыта Саргылаана Васильевна Максимова эҕэрдэлэрэ көһүннэ.

Саргылаана Васильевна өрөспүүбүлүкэҕэ суох бырайыак олоххо киирэн, Мэҥэ Хаҥалас улууһугар биир бастакынан 34 кинигэ бэчээттэммитин бэлиэтээтэ. Мэҥэ Хаҥаластааҕы кииннэммит бибилэтиэкэ ситимин бибилэтиэкэрдэрэ сүҥкэн үлэни ыыппыттарынан дириэктэргэ Марианна Афанасьевна Никанороваҕа махтанна.
34-с кинигэ Библиографическай ыйынньыгын И.М.Сосин аатынан улуустааҕы киин бибилэтиэкэ информационнай-библиографическай отделын сэбиэдиссэйэ, СӨ култууратын туйгуна Елена Аркадьевна Корякина сырдатта. Аллара Бэстээхтэн “Мэҥэбил” эр дьон вокальнай ансамбыл Күннүк Уурастыырап тылыгар, Марфа Данилова матыыбыгар «Күндү Кыайыы күнэ» диэн ырыаларын толордулар (салайааччы СӨ култууратын туйгуна Георгий Иванович Попов).
Үйэлэргэ чахчы өйдөбүнньүк буолар Мэҥэ Хаҥалас историятыгар сүҥкэн суолталаах, чахчыларга олоҕурбут матырыйаалардаах кинигэни түмэн, туруорсан, хомуйан бэлэмнээбит уонна таһааттарбыт ааптардар бөлөхтөрүгэр дириҥ махталын биллэрэн туран, «Мэҥэ Хаҥалас улууһа» Муниципальнай оройуон баһылыга Дмитрий Иванович Тихонов кинигэлэр тахсыыларыгар үлэлэспит бары үлэһиттэргэ наҕараадалары туттарда. Ф.Г. Охлопков аатынан Майа орто оскуолатын 3 “б” кылааһын үөрэнээччилэр төрөппүттэрин кытта «Харыстаан ветераннары» ырыаны толордулар (кылаас салайааччыта РФ, СӨ үөрэҕириитин туйгуна Елена Николаевна Чичахова).
Кинигэ – үйэлээх өйдөбүнньүк, үүнэр көлүөнэ, эдэр ыччат төрөөбүт дойдуларын устуоруйатын, дьонун-сэргэтин үөрэтиигэ туһалаах буоларыгар эрэнэбит. Норуот хорсун быһыыта өлбөөдүйбэтин, көлүөнэттэн көлүөнэҕэ бэриллэн, Албан аата үйэтиллэ турдун!
#библиотекамк #презентациякниги