Бүгүн муус устар 30 күнүгэр И.

М. Сосин аатынан улуустааҕы киин библиотека ааҕар саалатыгар ытыктыыр биир дойдулаахпыт, Саха АССР норуотун хаһаайыстыбатын үтүөлээх үлэһитэ, Саха АССР XII-с, Ил Түмэн Ⅰ, Ⅲ, Ⅳ ыҥырыылаах норуодунай депутата, “Гражданскай килбиэн” бэлиэ хаһаайына, РФ Суруналыыстарын сойууһун чилиэнэ, Таатта, Мэҥэ Хаҥалас улуустарын Бочуоттаах гражданина, 1966 сылтан ССКП-РФКП чилиэнэ Георгий Михайлович Артемьев төрөөбүтэ 80 сылыгар анаан "Сайдыыны түстээбит салайааччы" диэн ааттаммыт инфо-час ыытылынна.
Тэрээһини Георгий Михайлович бииргэ төрөөбүт быраата Яков Михайлович кэргэнэ Татьяна Ивановна Артемьева иилээн–саҕалаан ыытта. Инфо-чааска Майа оскуолаларыттан бастыҥ, актыбыыс оҕолор кэлэн кытыннылар. Татьяна Ивановна Георгий Михайлович үлэтин, туруорсубут боппуруостарын эрэ буолбакка, кини саха киһитин, дьиэ кэргэн тапталлаах уонна таптыыр амарах аҕатын, эһэтин быһыытынан арылхайдык арыйан кэпсээтэ. Кэргэнин Александра Григорьевналыын бур-бур буруо таһааран, 55 сылтан ордук кэм устата 4 кыыс оҕолонон, 12 сиэннэри иитиһэн, быр-бааччы олорбуттарын эмиэ аҕынна. Бу тэрээһиҥҥэ сөп түбэһиннэрэн “Салайааччы саталлааҕа, киһи кэрэмэһэ” диэн кинигэ быыстапката турда. Оҕолор бу күҥҥэ элбэҕи, саҥаны билэн, олус интириэһиргээн тарҕастылар.
#библиотекамк