Муус устар 11 күнүгэр биһиги оскуолабытыгар "Ааҕыы абылаҥа" бырайыак чэрчитинэн "Ааҕар дьиэ кэргэн" конференция быйыл иккис төгүлүн А.

П. Яковлева сырдык аатыгар ананан ыытылынна. Анастасия Петровна 1994 сылтан 2005 сылга диэри Үөдэй оскуолатын библиотекатыгар үтүө суобастаахтык үлэлээбитэ. Онон бу тэрээһин тэриллиитигэр кини оҕолоро уонна сиэннэрэ спонсордаан улахан көмөнү оҥордулар.
Конференцияҕа уопсайа 5 дьиэ кэргэн икки түһүмэҕинэн кытынна. Кинилэри дьүүллүүр сүбэ: Ядреева Е. М., Борисова С. Г., Колодезникова Н. Н., Сысолятина А. В. сыаналаатылар. Бастакы "Доброте учись у книг" түһүмэххэ кыттааччылар үтүө санаа туһунан аахпыт айымньыларын сиһилии кэпсээтилэр уонна ааҕарга сүбэлээтилэр. Иккис түһүмэх остуоруйаларга ананна. "Наши добрые сказки" викторинаҕа билиилэрин тургуттулар. Конференция түмүгүнэн алын сүһүөххэ кыайыылааҕынан Алик, Кыыдаана, Михаил Егорович Зыряновтар таҕыстылар, орто сүһүөххэ Руслан, Светлана Дмитриевна Яковлевтар кыайыылааҕынан ааттаннылар. Руслан, Елизавета Иосифовна Новгородовтар "Лидер чтения", Эрсан, Ксения Степановна Сидоровтар "Любовь и преданность к книге и чтению", Харысхан, Татьяна Дмитриевна Кириллиннар "Лучшее произведение о доброте" номинациялар кыайыылаахтарынан буоллулар. Викторинаҕа Кириллиннар дьиэ кэргэттэрэ элбэх остуоруйаны билэллэрин көрдөрөн кыайыылааҕынан таҕыстылар. Кыттааччылар бары сыаналаах бириистэринэн наҕараадаланан үөрдүлэр-көттүлэр.