Уһуйаан 35 сыллаах үбүлүөйүн сэтинньи 22 күнүгэр үөрүүлээх быһыыга-майгыга бэлиэтээтибит.

1989с. Нам оройуонун депутаттарын сэбиэтин уурааҕынан госбанк дьиэтин «Сельхозхимия» тэрилтэтэ реконструкциялаан (салайааччылар Попов Алексей Дмитриевич, Окороков Руслан Егорович) арыллыбыта. Оҕо сад салайааччытынан Российскай Федерация үөрэҕириитин туйгуна, үрдүк категориялаах иитээччи Антонина Ивановна Прокопьева анаммыта. Кини оҕону иитии эйгэтигэр 39 сыл, ол иhигэр 19 сыл сэбиэдиссэйинэн үлэлээбитэ. Маңнайгы иитээччилэринэн Аргунова Сардана Ивановна уонна Колмогорова Татьяна Вячеславовна үлэлээбиттэрэ.
35 сыл устата сыллата кырачааннарга уһуйаан аанын тэлэччи арыйан үгүс элбэх иитиллээччилэргэ, төрөппүттэргэ, үлэһиттэргэ үөрүүнү бэлэхтиир. Мантан куорсун анньынан тахсыбыттара сатабыллаах салайааччылар, ситиһиилээх спортсменнар, үҥкүүһүттэр, ырыаһыттар, үгүс үтүө үлэһиттэр.
Үүнүү-сайдыы аартыга арыллан
Үүнэр ыччаты иитиигэ үлэбит кэрэхсэнэ турдун,
Олоҕу кытта тэҥҥэ хардыылаан
Кэскиллээх үлэбит чэчирии турдун!