Муус устар 28 күнүгэр Өрөспүүбүлүкэбит күнүн баттаһа, куорат сахалыы бөлөхтөөх уһуйааннар Ассоциацияларын чэрчитинэн 86 № «Колокольчик» уһуйааҥҥа «Бил,көр төрөөбүт дойдугун» оонньуу күрэҕэ буолан ааста.

Оонньууга уопсайа 14 уһуйаантан 5-тии кыттааччылаах хамаанда кэлэн күөн көрүстэ. Уопсайа оонньууга 70 уһуйаан үлэһиттэрэ кытыннылар.
«Бил, көр төрөөбүт дойдугун» онньуу икки түһүмэхтэн турда: сүүмэрдиир уонна сүрүн. Сүүмэрдиир чааһыгар хамаандалар үс бөлөххө арахсаннар тургутууну аастылар. Тургутуу түөрт хардыыттан турда:
1.“Ыйытынньык”;
2.“Ханнык улуус былааҕай?”
3.“Бу кимий?”
4.“Оҕолор кэпсииллэр...”
Сүүмэрдиир оонньуу түмүгүнэн «Бил, көр төрөөбүт дойдугун» сүрүн оонньууга элбэх баалы ылан 3 хамаанда эрэллээхтик таҕыста: “Кэскил”, “Катюша”, “Светлячок” уһуйаан иитээччиилэрэ.
Сүрүн оонньуу араас чаастан турда. Хамаандалар төрөөбүт дойдубутугар- Саха сиригэр сыһыаннаах боппуруостарга эппиэттээтилэр. Боппуруостары биэрдилэр: музей салайааччыта А.П. Ноговицын, Л.А. Ким аатынан уруһуй оскуолатын директора Н.А.Птицын, өрөспүүбүлэкэтээҕи библиотека сүрүн исписсэлииһэ Т.А. Никифорова, “Книга 03” библиотека исписсэлииһэ Л.Ю. Бочкарева, классическай гимназия учуутала В.Р. Старостин, 5 № уһуйаан сүрүн иитээччитэ А.Н. Терешкина. Ону таһынан кыттааччылар ырыа таайдылар, өс хоһооннору ырыттылар; мимиканан, хамсаныынан тыл быһаардылар, хамаанда бэйэ - бэйэтин кытары ыкса сибээстээҕин, биир тылынан өйдөһөрүн көрдөрдүлэр.
Таҥааһыннаах киирсии, интириэһинэй оонньуу түмүгүнэн: 1 үрдэл – “Катюша”; 2 үрдэл – “Кэскил”; 3 үрдэл – “Светлячок” уһуйааннар буоллулар. Кыайыылаахтар добун суругунан, кыттааччылар туоһу суругу туттулар.
Күрэх олус умсугутуулаахтык, сэргэхтик ааста. Саҥа сүүрээн оонньуу барыбыт билиибитин-көрүүбүтүн хаҥатта, таһыммытын үрдэттэ.