Биһиги оскуолабытыгар оҕону иитиигэ, тулалыыр эйгэни таба көрүүгэ араас хайысхалаах үлэлэр ыытыллаллар.

Олортон биирдэстэрэ мас олордуута буолар. Урукку сылларга үөрэнээччилэрбит хатыҥ, тиит, тэтиҥ мастары олордоллоро. Ол мастарбыт билигин улаатан, силигилээн, туспа ураты, кэрэ көстүүнү биэрэллэр.
2023-2024 үөрэх дьылын выпускниктара хаптаҕас угун түөрэн аҕалан, учууталларын Вера Семеновна Осиповалыын олортулар. Тэрээһиҥҥэ төрөппүттэр кэлэн, оҕолорун кытта бииргэ буоллулар. Аҕыйах сылынан бу уктартан хаптаҕас отоннорун таптыы көрүөхпүт, хомуйан сиэхпит.