«Үүнүү» лааҕыр ситиһиитэ

Сайыҥҥы сынньалаҥ - оҕо-аймах саамай күүтэр кэмэ. Былырыыҥҥы үөрэх дьылын түмүгүнэн биһиги оскуолабыт «Үүнүү» күнүскү оҕо үлэ уонна сынньалаҥ лааҕырын тэрийэн үлэлэттэ. Барыта 20 оҕо 1 сезоҥҥа сынньанна. Лааҕыр иитээччитинэн Никулина Софья Павловна, баһаатайынан Никулина Айталина Алектиновна, поварынан Черемкина Любовь Андреевна, медигынан Тааттатааҕы киин балыыһа Уус Тааттатааҕы врачебнай амбулаториятын үлэһитэ Местникова Лидия Николаевна, начальнигынан Кочнева Анна Софроновна, овощеводунан Данилова Варвара Васильевна үлэлээтилэр.
Лааҕырга оҕуруот көрүүтүнэн, кролик иитиитинэн дьарыктаннылар. Иллэҥ кэмҥэ омук тылын үөрэттилэр, төрөөбүт дойдуларын устун экскурциялаатылар, Бүтүн Арассыыйатааҕы аахсыйаларга кытыннылар.
Лааҕыр үлэтин түмүгүнэн араас күрэхтэһиилэргэ кытыннылар. Саха Өрөспүүбүлүкэтин министиэристибэтэ тэрийбит «Реальное лето» бэстибээлгэ 3, Саха Өрөспүүбүлүкэтин агрооскуолаларын икки ардыларыгар ыытыллыбыт «Урожай-2023» куонкуруска 3 миэстэни ыллылар уонна Бүтүн Арассыыйатааҕы «Движение первых» хамсааһын региональнай оҕо сынньалаҥын тэрийиигэ бастыҥ үлэ опытын тарҕатыы куонкуруһугар кыайыылаах аатын сүктүлэр.
Анна Кочнева, дириэктэри иитэр үлэҕэ солбуйааччыУус Таатта орто оскуолата