Саха советскай литературатын төрүттээччи, бөдөҥ общественнай деятель Платон Алексеевич Ойуунускай төрөөбүтэ 130 сылыгар аналлаах "Мин туйгун норуотум-айар куус кыһата" культурнай-үөрэтэр форум иккис күнүгэр Таатта улууһун Н.

Д. Неустроев аатынан Уус Таатта орто оскуолатын педагогическай коллектива "Өбүгэ оонньууларын" түһүлгэтин тэрийэн ыыттылар. Түһүлгэ сүрүннүүр судьуйата, Тааттатааҕы үөрэхтээһин салалтатын спортка сүрүннүүр үлэһитэ Константин Афанасьевич Ширяев үөрүүлээх быһыыга-майгыга күрэхтэһии кыттыылаахтарын эҕэрдэлээтэ. Күрэхтэһиини Былатыан Ойуунускай торообутэ 130, Саха Өрөспүүбүлүкэтигэр физкультурнай хамсааһын тэриллибитэ 100 сылларыгар анаата. Тынааһыннаах киирсиигэ Таатта, Томпо, Чурапчы улуустарын үөрэнээччилэрэ СахаЕМБЛ, тутум эргиир, хабылык, хаамыска көрүҥнэригэр күөн көрүстүлэр.
СахаЭМБЛ оонньуутугар ветеран-спортсмен, учуутал Протодьяконов Руслан Николаевич, тутум эргииргэ Саха Өрөспүүбүлүкэтин физкультураҕа уонна спортка туйгуна Кочнев Алитет Иванович, хабылык, хаамыска көрүҥэр РФ уонна СӨ спордун маастара Ширяев К. А. уонна Тыараьа орто оскуолатын физкультураҕа учуутала, хабылыкка, хаамыскаҕа Таатта улууһун сүүмэрдэммит хамаандатын чилиэнэ, өрөспүүбүлүкэ чемпиона, призёра Фёдорова С. Н. судьуйалаатылар.
Уус Таатта орто оскуолатын алын сүһүөҥүн кылаастарын учууталлара Никулина С. П., Колодезникова Т. А., Назарова Н. В күрэхтэһии сэкэрэтээрдэрэ буоллулар.
Уопсай түмүккэ хабылык, хаамыска оонньуутугар кыргыттарга барыта 18 оҕо кытынна. Кыргыттарга 1 м- Лебедева Наташа (Тааттатааҕы лицей), 2 миэстэни Хаптагаева Мичийэ (Туора Күөл), 3 миэстэни Скрябина Сандаара (Чурапчытаагы өрөспүүбүлүкэ спортивнай оскуолата), уолаттарга 1 миэстэни э Ширяев Афоня (Тааттатааҕы лицей), 2-3 миэстэлэри Тыараһа орто оскуолатын уорэнээччилэрэ Окоемов Айтал, Окоемов Егор ыллылар. Тутум эргииргэ барыта 11 оҕо курэхтэстэ. Кыргыттарга 1 миэстэҕэ Осипова Валерия (Уус Таатта), 2 миэстэҕэ Макарцова Альмира ( Чурапчы, Дирин оскуолата), 3 миэстэҕэ Готовцева Кира (Уус Таатта), онтон уолаттарга 1 миэстэҕэ -Егасов Валентин (Уус Таатта), 2 миэстэҕэ -Баснаев Эрхан ( Тааттатаагы лицей), 3 миэстэҕэ - Чириков Ярик ( Уус Таатта) тагыстылар. СахаЭМБЛ көрүҥэр барыта 22 оҕо кытынна. 1 миэстэни Сидорова Сайыына (Уолба), 2 миэстэни Макарцова Альмира (Дирин, Чурапчы), 3 миэстэни Кусатова Элеонора (Уолба), онтон уолаттарга 1 миэстэни Егасов Валентин (Уус Таатта), 2 миэстэни Матвеев Ганя (Тыараһа), 3 миэстэни Комиссаров Андрей (Дьохсоҕон) ылан, кыайыы өрөгөйүн биллилэр. Түһүлгэ кыайыылаахтара хайҕал суруктарынан, кыайыыны туоһулуур мэтээллэринэн уонна Тааттатааҕы үөрэх салалтата, Чөркөөхтөөҕү олохтоох дьаһалата туруорбут сыаналаах бириистэринэн наҕараадаланнылар.
Өбүгэ оонньуутун түһүлгэтиттэн бары астынан, сүргэбит көтөҕүллэн тарҕастыбыт.
Анна Кочнева, дириэктэри иитэр үлэҕэ солбуйааччы, Уус Таатта