Балаҕан ыйын 1 күнүгэр Н.

Д. Неустроев аатынан Уус Таатта орто оскуолатыгар Билии күнүн бырааһынньыга буолан ааста. Маҥнайгы кылааска 14 оҕо киирдэ. Саҥа үөрэх дьылынан орто оскуола директора Винокуров Г.Г., « Алдан нэһилиэгэ» тыа сирин түөлбэтин аҕа баһылыгын солбуйааччы Петров Г.Г. , ветеран учууталлар ааттарыттан Неустроева А.Н. эҕэрдэлээтилэр. Маҥнайгы чуорааны 11 кылаас бастыҥ үөрэнээччитэ Кирилл Готовцев уонна аан бастакытын тэтэрээт, суумка, сибэкки тутуурдаах кэлбит Ангелина Жиркова тыаһаттылар. Бырааһынньык иккис түһүмэҕинэн оскуола бары үөрэнээччитэ оҕо, ыччат Бүтүн Арассыыйатааҕы хамсааһыныгар киириилэрэ буолла. «Педагог уонна аҕа сүбэһит” сылыгар анаммыт билии күнүн бырааһынньыгар ыытыллыбыт тэрээһиҥҥэ ветеран учууталларбыт оскуолабыт активын үөрэнээччилэригэр долгутуулаах быһыыга-майгыга хаалтыстарын баайдылар, түөстэригэр РДДМ значогун ииллилэр. Алын сүһүөх кылаастар «Орлята России» хамсааһыҥҥа кыттыстылар.
Тэрээһиҥҥэ Арассыыйа гимнэ тыаһаан, былааҕа өрө көтөҕүллэн, 169 оҕо быйылгы үөрэх дьылыгар билиигэ-көрүүгэ тардыһыа, сиэрдээх буолууга иитиллиэ.