Муус устар 3 күнүттэн 8 күнүгэр диэри оскуолабытыгар "Чөл туруктаах аһылык" нэдиэлэтэ ыытылынна.

Нэдиэлэ чэрчитинэн "Доруобай аһылык 7 хосхоло" темаҕа 1 кылаастан 11 кылаастарга диэри кылаас чаастара ыытылыннылар. Тааттатааҕы киин балыыһа Уус Тааттатааҕы врачебнай амбулаториятын үлэһиттэрэ "Сөптөөх туруктаах аһылык - доруобуйа төрүөтэ", "Муус устар 7 күнэ-Бүтүн Аан дойдутааҕы доруобуйа күнэ" тиэмэлэргэ лекциялары аахтылар, Төрөппүттэргэ уонна оҕолорго оскуолабыт аһылыгын тула ыйытынньык оҥордубут. Нэдиэлэ бүтэһик күнүгэр тыл предметтэрин методическай холбоһугун учууталларын көҕүлээһининэн икки хайысхалаах "Инновационное блюдо и кулинарное изделие из натурального местного сырья в школьном меню" диэн куонкурус буолла. Куонкуруска 5-8 кылаас үөрэнээччилэрэ кытыннылар. Оҕолору барыларын хабар сыаллаах, кылаастарынан видеоролик уонна эркин хаһыатын, буклеты оҥоруу профилактическай үлэтэ ыытылынна. Уопсай түмүккэ, видеоролик оҥоруутугар 2 кылаас үөрэнээччилэрэ, эркин хаһыатыгар 4, 5, 10 кылаас үөрэнээччилэрэ кыайдылар. Онтон кулинарнай батлга 8 кылаас үөрэнээччилэрэ бастаатылар.