😰Башы ныҡ итеп бәрелә һәм аңын юғалта: Өфөлә батут аттракционы түңкәрелеүҙән зыян күргән 5 йәшлек баланың бер нисә һөйәге һынған һәм мейеһенә ҡан һауған.

Уның менән бергә урында өлкән ағаһы ла булған. Егет шунда уҡ ата-әсәһенә шылтыратҡан, табиптар саҡырған.
Ҡыҙҙы баш һөйәге йәрәхәте, мейеһенә ҡан һауыу, өсөнсө һәм дүртенсе умыртҡа һөйәктәре, шулай уҡ янбаш һөйәге һыныуы менән дауаханаға оҙатҡандар. Баланың хәле ауыр тип баһалана. Дауалау нейрохирургия бүлегендә 20 көн самаһы дауам итәсәк. Зыян күргән ҡыҙҙың атаһы әйтеүенсә, ҡыҙҙа контузия алған кешеләрҙәге кеүек симптомдар бар.