😳 Башҡортостанда ике йәшлек бала ынйы сәскәһе (ландыш) еләктәрен ашап ағыуланған

Бәхетһеҙ осраҡ Салауат ҡалаһында булған. Ярай әле әсә ваҡытында табиптарға мөрәжәғәт иткән. Аҡ халатлылар баланың ғүмерен ҡотҡарып алып ҡалған.
Йыш ҡына ҡыҙыл еләктәр зарарһыҙ күренһә лә, уларҙа йөрәккә һәм нервы системаһына йоғонто яһаған кардиогликозидтар бар: йөрәк ритмы боҙолорға, көҙән йыйырырға, иҫте юғалтырға мөмкин. Бындай осраҡтарҙа секундтар һәм ваҡытында профессиональ ярҙам күрһәтеү хәл иткес әһәмиәткә эйә.
Тышта йөрөгәндә иғтибарлы булығыҙ, балаларға таныш булмаған емеш-еләкте тәмләп ҡарарға ярамағанын аңлатығыҙ, тип кәңәш бирә табиптар.