🇧🇾🇷🇺 Аб захаванні традыцый народнай культуры і папулярызацыі гісторыка-этнаграфічнай спадчыны ў музейнай прасторы Беларусі і Расіі ішла сёння размова ў Беларускім дзяржаўным музеі народнай архітэктуры і побыту.

Мерапрыемства прайшло ў рамках міжнароднага праекта «Традыцыі народнай культуры ў музейнай прасторы Беларусі і Расіі», ініцыятарам і ўдзельнікам якога з'яўляецца Беларускі дзяржаўны музей народнай архітэктуры і побыту.
Адбылася прэзентацыя нумара выдання «Беларускі гістарычны часопіс», прысвечанага пытанню.
У творчай атмасферы прагучалі выступленні дырэктара беларускага музея Эдуарда Багдановіча і яго расійскіх партнёраў са Смаленска і Іркуцка, а таксама паведамленні аўтараў артыкулаў па азначанай праблематыцы.
🎶 Удзельнікі сустрэчы пачулі песні і музыкальныя найгрышы на беларускай дудзе, скрыпцы і гармоніку ў цудоўным выкананні супрацоўнікаў музея архітэктуры і побыту Яны Патапенка, Паліны Чэпы, Уладзіміра Бярберава.