Якасны настольны сінтэзатар маўлення, пра які марылі многія беларусы шмат гадоў, нарэшце з’явіўся.

На сайтах "Лабараторыя галасоў RHVoice" і "Брайль зіхоткіх вокнаў" зараз можна спампаваць бяць беларускіх галасоў: Міхал, Рыгор, Алена, Даша, Людміла. Міхал, Даша і Людміла ўмеюць размаўляць па-беларуску і па-руску.
Над стварэннем пералічаных галасоў працаваў харват Званімір Станечыч.
Расійскі праграміст Мікіта Цэйкавец, перадаў яму чатыры гатовыя дата-сэты для трэніроўкі сінтэтычных галасоў, уключаючы Sakrament Людмілу, які ён дапрацоўваў для нас яшчэ ў 2022 годзе.
Слоўнік націскаў для сінтэзатара маўлення быў зроблены на аснове матэрыялаў сайта "Беларускі граматычны корпус".
Гучанне тэставых бэта-версій галасоў правяралі дзьве каманды бэта-тэстараў, сярод якіх вылучыўся Мікалай Едчык з пінскага "ЭлКіс", які шмат працаваў над выпраўленнем памылковых націскаў.
Уладзімір Чараухін з гомельскай "Светатэхнікі" апрацаваў вялікі спіс амографаў для ўключэння іх у агульны слоўнік праграмы і пераклаў для яе пашыраны спіс знакаў прыпынку.
Пазнаёміцца з гучаннем галасоў і спампаваць файлы можна тут.