СИЙРАТ...

УЧИНЧИ ФАСЛ...
10 - ҚИСМ...
2020-2021- йил. Тошкент
Онасини парвариш қилишга келган аёл ширинсўз экан. Аёл бир кўришда кунглига ўтирди. Лекин талабини қатъийятлик билан чертиб чертиб айтишдан бир оз иккиланиб қолган қиз рози бўлишдан ўзга йўл топмади. Бирон бир яқиним бўлса экан онамни унга ишониб топшира олсам. Ўтган йили аммамни қизига топширдим. Нима бўлди? Бечора онам икки ой ўтиб ишдан қайтсам кўзлари мултираб ёлворадиган бўлиб қолди. Оч қолдим дейишлари...
Онаси парваришини аммасининг турмуши ўхшамаган, яъни фарзандсизлик туфайли ота уйига қайтиб келган қизига дадасининг маслаҳатига кўра топширди. Икки ой ўтиб, онаси ишдан келиши билан дод соладиган, ишга кетмоқчи бўлса борма деб ёлворадиган одат чиқарди. Аввалига доимий инжиқлигига йўйиб эътибор қаратмади. Аммо учинчи ойга бориб қонида қанд миқдорининг кескин тушиб кетиши оқибатида касалхонага тушгач, у ердаги докторнинг гапидан ҳушёр тортди.
-Онангиз оч қолиб кетган! Қизнинг гапларини шарт бўлди. Бемор инсулин олгач овқатсиз қолиб кетган!
Докторнинг сўзлари ва онасининг шикоятлари бир бирига мос келишидан дилига шубҳа оралаган Шаҳноза кўп ўйлаб ўтирмай уй камераси сотиб олди.
Аммаваччаси онасининг ёнида қолганидан фойдаланиб, онасининг хонасига камерани ўрнаттирди. Камера ўрнатилгани сезилмаслиги учун катта бўри тасвири бор соат сотиб олди. Камерани эса айнан шу рамка ичига жойлаштиришлари талаб қилди. Онаси шифохонадан келган куни эртасига ишга кетаётганда ёш боладек ҳунграб йиғлаб ўзига тармашган онасини зўрға тинчлантириб хонадан чиққан Шаҳноза аммаваччасига онаси инжиқ бўлиб қолганини таъкидлаб ишга шошилди. Хонасига кирар кирмас телефонига ўрнатилган камера тасвирларини кузатиш учун столи устига ўзига қулай қилиб жойлаштириб олди. Тушлик вақтида қўлида патнис билан хонага кирган аммавачча онасини туртиб силтаб ўрнидан турғизгани, бир оёғи йўқлиги туфайли ўтирган жойида мувозанатини яхши сақлай олмайдиган аёлни елкаларига муштлаб муштлаб ёстиқ қўйётганини, овози борича бақириб қарғашини кўзида ёш билан кўриб турган қиз камера тасвирларини ортиқ кузатиб ўтиришга чидай олмади. Ишини ташлаб уйига қайтиб келди...
Аммавачча айбини тан олиш узр сўраш ўрнига баланддан келиб қизга танбеҳ бериши ортиқча бўлди.
-Бекорга сиздан ҳамма безор эмас эканда!
Жаҳл устида айтган сўзига қайтарилган жавоб, ўткир тиғдек кўксига қадалди.
-Ҳар ҳолда баъзи бировларга ўхшаб ўйнашдан ўйнаш танлаб юрганим, дугонамни эрига осилганим йўқ!
Шундан бери онасини топширадиган ишончли олам топа олмай қийналиб кетди. Кимдир бир ой, кимдир ўн кун сабр қилса, кимдир эса эшикданоқ қайтиб кетади. Балким бу аёлга яхши тўласам, шартларини бажарсам. Узоқроқ қарар. Кўнглидан ўтган ўй таъсирида ўзидан жавоб кутиб ўтирган аёлга розилик билдириш аломати сифатида бош силкиди.
-Мен сизни огоҳлантириб қўйишим керак. Уйим тўлиқ камералаштирилган. Майли сиз истагандек эрталаб олтидан, тунги соат ўнгача. Иш ҳақиям сиз талаб қилгандек. Яхши қарасангиз, ҳар ой мукофот ҳам бераман кулиб олди. Онам жуда инжиқ бўлиб қолганлар. Сабрли бўлинг илтимос. Онамга қаттиқ гапиришса мен чидай олмайман.
-Хотиржам бўлинг мен онангиздек касаллар билан осон тил топишаман!
-Унда сиз билан уйга борсак. Бир ҳамшира ёнларида. Сизни онам билан таништириб ўзим ишимга қайтар эдим. Шу билан онасини парвариш қилишга киришган аёлдан мана бир ой ўтди ҳамки на онаси на аёл онасидан шикоят билдирмади. Уйдан кунгли хотиржам тортган қиз боши билан ишга шунғиди. Ишдан қайтишида охирги ойда ўзига одат бўлиб қолган, янги одати бўйича ортига бурилиб олди.
Уйларига кираверишда ортига бурилган қизнинг кўзи таниш машинага тушиб хўрсиниб олди. Доимгидек ортимдан кузатиб юрибди. Соқчи ўз ўрнида! Бош чайқаб қўйиб уй ичкарисига кирди. Тавба бир гап айтмайди. Лекин кузатиб юриши... Нима истайди мендан? Арвоҳга ўхшайди. Борлигини биласан лекин қаршингда кўрмайсан! Тавба қилдим! Ўзинг кечир пичирлаб олди. Уйимни алиштирсамми? А йўўқ бу билан ҳеч нарсага эришмайман. У арвоҳдек ортимдан судралиб юраверади. На яқинлашади. На тинч қўяди. На бир тушунтириш беради. Индамай кузатиб юраверади.
Рости жонимга тегди. Ўлай агар жонимга тегди! Уйга кириш фикридан қайтиб шарт ортига қайтди. Алишерни машинасида хотиржам ўтирганини кўрган қиз тўғри машина томонга юрди. Ўриндиққа бошини ташлаб кўз юмиб ўтирган йигитни бир оз томоша қилиб турган қизнинг бир кулгуси келса, бир томондан жахли чиқиб кетди. Тавба соями бу!? Индамай ортимдан келиб ўтиришини, дам олаяптими? Туни билан шу ерда ўтиради. Ишхонамгача бир боради. Сунг йўқолади. Шу билан ишдан қайтганимда шу ерда кўраман! Нима истайди мендан? Бугун якунлайман!
Машина ойнаси бармоқ букиб урди. Чучиб бош кўтарган Алишер бир оз ўтирган ўрнида нима бўлаётганини тушунмагандек қараб турдида сунг шошилиб машина эшигини очди.
-Салом бердик!
Жахли кучлилигидан қоши учиб олганини сезган Шаҳноза ўзини босиб олиш учун бармоғи билан қошини сийпаб турди.
-Салом.
Ўзини қўярга жой топмагандек атрофга кўз ташлаб олган йигитнинг зўр базўр жилмайишга уринишини кузатиб турган Шаҳноза у томон бир қадам босди.
-Хуш келибсиз! Нечук биз томонларда!?
-Бир иш юзасидан келувдим. Бир кишини кутиб ўтирибман...
Ён томондаги кўп қаватли уйга ишора қилди.
-Ҳар куни шу одамда ишингиз борми?
-Йўўқ. Бугун келишим... Биринчи келишим...
Дудуқланиб қолишидан кулгуси келди. Тавба, ёш йигитлардек довдирайди-я!
Ёки шу даражада ўчига чиққан артистмикан? Ўзини бечора довдир кўрсатиб.. Аста секин мақсадига етадиган хилиданми? Ё манякми? Ҳалиги бўлади-ку аёлларни алдаб авраб юрагига кириб сунг қийнаб ўлдирадиган. Йўғее унақа эмасдир. Синчков тикилди. Индамай нарги томондаги уй томон юз бурган йигитга тикилиб туриб куксида соғинч бош кўтарди.
Нега бунақа бу!? Нега?
-Мен ҳар куни шу ерда сизни машинангизни кўраман.
-Йўғе, ғамгин бош чайқади. Кўзлари эса..
-Балким, сиз ҳақдирсиз ўхшатгандирман.
Иккиси ҳам гаплари тугаб қолгандек жим бўлиб қолди. Ўрталарига чуккан сукунатдан юраги сиқилган Шаҳноза машинасига орқа бериб суянганча ўзига термулиб турган йигитга кўз қирини ташлаб олди.
-Нега жим бўлиб кетдингиз? Касал бўлиб қолдингизми? Оғир ўтказдингизми? Чидай олмай савол берди.
-Йўқ. Менга касаллик тегмади. Бош чайқади.
Эй худойим! Ҳа менга касаллик тегди. Оғир ўтказдим. Қийин бўлди тузалишим деса нима қиларкан!?
-Балким, ойингиз
-Йўқ, аям ҳам бетобланмади. Худога шукр яқинларимдан ҳеч ким оғир ўтказмади. Фақат бир дўстимиз вафот этди.
Соддалик билан саволига батафсил жавоб қайтарган йигитга термулиб қолди. Чиндан шундай соддами ё ўзини шундай кўрсатадими?
-Ҳа тушунарли, демак сиз уша дўстингизнинг маъракалари билан оввора бўлиб қолгансиз...
-Йўқ. Миллий гвардия шуғулланди.
Чуқур хўрсиниб олган қиз лабини ярим тишлаб тикилиб турди. Ич ичидан кўтарилиб келган кулгусини тутиб қолиш учун лабини янада қаттиқ тишлади.
-Балким, карантинда пулни тежаш учун ихчамгина тўй ўтказгандирсиз!
Ўзини шунча тийса ҳам пичинг қилишдан тия олмади.
-Йўўқ!- Кўзлари катта катта бўлиб кетган йигит бош чайқади.-Йўғее!
-Унда нега жим бўлиб кетдингиз? Биронта сабаб борми?
Чидай олмай овозини кўтарди.
-Ҳалигиии бир иш юзасидан...Жўнаб кетишимга тўғри келди шунга...
-Телефончи, телефон қилиш мумкинмиди?
-Йўқ, мумкин эмас эди...
-Қизиқ, жудаям қизиқ йигитнинг самимий нигоҳлар билан жим боқиб туришидан бир оз довдираб қолган Шаҳноза елка қисиб олиб суҳбатимизни юриб давом эттирайлик деган маънода кўз ташлаб олиб олдинга қадам ташлади.
-Касал бўлмагансиз, онангиз ҳам соғ саломатлар. Сиз эса иш юзасидан бу ерда бўлмагансиз. У ерда эса телефони ишлатиш ҳам мумкин бўлмаган. Қанақа жой экан сиз борган жой? Менга манзилини беринг мен ҳам уша ерга бориб дам олиб келардим.
Ўзига норозилик назари билан боқиб олган Алишер жавоб қайтармади.
-Кутаётган одамингиз сизни у ерда кўрмаса, қайтиб кетиб қолмайдими?
Киноясига бош чайқаб жавоб қайтарган йигит қизнинг йўлини тўсди.
-Шаҳноза нега жим бўлиб кетганим сабабини билгингиз келаяптими?
-Ҳаққим йўқми? Сўрамайми?
-Нега кетганим эмас, шу ерда эканлигим муҳим эмасми?
-Сиз кимсиз? Тўғрисини айтсам сизнинг кимлигингизни билмас эканман.
Синчков тикилди. Қип қизил бўлиб кетиши, индамай юз буриш.
-Ҳаётимга қачон кириб келдингиз?Нега келдингиз? Индамай кетишингиз? Яна қайтиб келишингиз сабабларини билишга ҳаққим борми?-деди жим турган йигитга қараб.
-Мен ўйловдим ўзим ҳақимда керак бўлган барча гапларни гапириб бергандим деб ўйлагандим.
-Бу сизнингча етарлими?
Индамай термулиб туришидан юрагида қисилишдек нимадир пайдо бўлди.
Нега жим тураверади? Нимадир сири борми? Нимани яшираяпти? Нега бунчалик озиб тузиб кетган?
Мендан нимани яшираяпсиз? Қандай сирингиз бор?
-Мени сирим йўқ. Бош чайқаб ортга қадам ташлади. Мени сирим йўқ. Такрорлади. Шаҳнооз
Мана шу тахлит ялинчоқ овоздан сунг қиз ўзини енглишини билади. Аммо бу сафар нимадир ўзгарди.. Алишер ҳар доимгидек қучишга интилмади. Жим тикилиб тураверди.
Нима узгарди?
-Сиз ўзгариб кетибсиз! Мен сизни танимаяпман.
-Ўзгармадим. Мен ўзгармадим. Шаҳноза умуман ўзгармадим уша ушаман.
Нима бўлди етти ой ичида? Қаршисидаги йигитга бошдан оёқ кўз ташлаб олиб ўйлади.
Наҳотки уйланган? У охирги учрашганимизда Қашқадарёга кетаман деганди. Балким, у ерга боргач, онаси уйлантиргандир. Балким, шу нарсани айта олмай қийналиб тургандир. Шунинг учун қизариб кетаётгандир. Ахир, Алишер ака бу даражада ўзгариб кетиши учун қандайдир сабаб бўлиши керак, бу сабаб эса унинг уйланиши бўлиши мумкин. Бошқа сабаб... Бошқа сабаб бўлиши мумкин эмас.
-Алишер ака, ўйланиб турган Шаҳноза бир қарорга келиб сўз бошлади.- Балким шу етти ой ичида сиз ўзгармагандирсиз. Аммо мен ўзгардим.
-Тушунмадим?
Йигитнинг кўзларида чақнаган ўтдан юрагига қурқув тушса ҳам ўзини дадил тутишга тиришди.
-Нимаси тушунарсиз? Мен иккимизни биргаликда келажагимизни кўра олмадим. Шу сабабли, бугун сиз билан охирги марта гаплашиб олишга қарор қилдим. Ўтли назарга боқа олмай бош эгиб хўрсиниб олган қиз сўзларини давом эттирди.
- Бошланган нарса қачондир тугаш керак. Шунинг учун бир биримизни тушунган ҳолда....
Бош кўтариб йигитга боқмоқчи бўлди.
Қаршисида ҳеч ким йўқлигидан ажабланиб ўзлари келган томонга бурилганди, катта катта қадамлар билан ўзидан олислашиб кетаётган йигит ортидан ҳайратли нигоҳларини тикиб анграйиб қолди.
Гапларимни эшитиб ҳам ўтирмадими? Қулоқ солмай кетиб қолдими? Негааа?
Бу вақтда машинасига етиб олган йигит машинага ўтирди. Кескин бурилиб кўзидан ғойиб бўлишини фақатгина томоша қилиб қолган қиз нималар бўлганини тушуна олмай, гувуллаб кетган бошини икки томонидан кафтлари билан махкам сиқди.
Мен кетиб қолишига сабаб нима гап айтдим? Наҳотки бу одам билан инсонлардек гаплашиб олишни иложи йўқ!?.......
Икки ой мобайнида бир марта кўриниш бермагач у уйланган деган фикри қатъий тухтамга айланди. У оилали!
Алишерни кутмасликка қарор қилган қиз ўзини бошлаб қўйган илмий ишига урди....
Икки минг йигирма биринчи йил Шаҳноза учун ҳар томонлама омадли келди. Илмий иши мавзуси дунёнинг бир қатор олимлари томонидан ижобий баҳоланди. Мавзусига бағишланган тезислари Инглиз ва немис тилида Европанинг бир нечта нашрларида чоп этилиши биринчи ютуғи бўлса. Баҳор ойларига келиб, илмий ишини Европада давом эттириш таклифи билан бир нечта Инситутлардан таклиф келиши иккинчи омади сифатида баҳолади. Уларнинг таклифини қабул қилишдан олдин узоқ ўйлади. Онамни ташлаб кета олмайман. Боши қотди. Дадаси билан маслаҳат қилишга қарор қилди. Балким дадам билан гаплашиб олсам бирон маслаҳат берар. Дадасига ўзи тушган вазиятни тушунтириб бера олди.
-Европа ёнаяптику қизим! Кузвтаяпсанми?- савол берди.
-Дада агар пешонамда уша ерда ўлиш ёзилган бўлса, тақдиримдан қоча олмайман.
Видео чатда юзига тикилиб турган падарига қараб маюс жилмайди.
Шахсий ҳаётим бўлмагач илм йўлини тутсам деган эдим.
Нима муаммо бор қизим?
-Онамни ташлаб кета олмайман. Ўзим билан олиб ҳам кета олмайман.
-Комилни уйлантирамиз. У бир қиз билан гаплашиб юради.
-Қачон?
-Бугун уканг билан гаплашаман. Сен ўқишингни тугатгунингча уканг онанг билан яшайди. Қолгани пешонада бори бўлади. Сен розилигингни беравер.
-Хўп дада рахмат.
-Қанча вақтга кетасан?
-Бир йил бўлса керак...
-Қачон кетасан?
-Улар тасдиқ юборган вақтларида вақтини ҳам белгилашади.
Она қизим, гапларимни диққат билан эшит. Мен сен улкан бир денгизга ташлаганман. У ердан сузиб юзага чиқиш ўзингни қўлингда, қаерда ва ким билан бўлма ўзлигингни йўқотма. Ким эканлигини, кимни фарзанди эканлигингни, сенга чексиз ишончи бор отангни унутма қизим. Мен сенга ишонаман!
-Хўп дадажон. Хўп
Кўзларига қуйилиб келган ёшларини артиб олди.-Хўп дадажон асло унутмайман! Умрингиз узоқ бўлсин! Юз ёшимда ҳам ёнимда ўз маслаҳатингиз билан туринг!
Дадасини маслаҳати билан бир эмас, бир нечта инситутга ҳужжатларини юборди. Орадан бир ой ўтиб бир эмас икки давлатдан: Австерия ва Венгериядан қабул ҳақида хабар келди.
Ўйлаб ўйлаб Австерияни танлаган қиз барча керакли ҳужжатларини юборди.
Давлат тили немис тили амаллаб гаплаша оларман кулиб олган қиз столи устида турган йилномага кўз ташлади. Йилнинг уч ойинм ортда қолдирибмиз. Қойил. Вақт ўтиши умр ўтишига тариф йўқ! Кечагина янги йил келганди, бугун эса баҳорнинг биринчи ойини якунлай деб турибмиз.
Дадасининг маслаҳати билан икки амма Комил танлаган қизнинг уйига совчи бўлиб борди. Катта аммасининг сўзидан келин бўлмиш қиз жуда яхши инсонлар фарзанди эмиш, устига устак ҳамшира экан.
-Онанга қараш қўлидан келадида болам. Маюс термулган амма кутилмаганда қизнинг қўлидан махкам тутди.
-Болам умринг ўтаяпти. Турмуш ҳақида ўйласанг бўларди. Эртага ёшинг ўтгандан кейин, сени манави китоб дафтаринг бола меҳрини бера олмайди.
Аммасини сўзларини жим тинглаган қиз, қўлини аммасидан тортиб олди. Лаб тишлаб ўйланиб хаёл суриб қолди.
-Агар бола деган менга ўхшаса, паст овозда пичирлади.- Менга уни кераги йўқ!
-Бу нима деганинг болам!? Сесканиб тушган амма ёқасидан бир қўли билан тутиб куйлаги ичига туф туф деди.- Гапинг қурмасин! Юрагимни ёрдинг сен қиз! Сенга кўз теккан қизим! Одамлар сени кўра олишмади. Сени совутиб ташлаган! Мен сенга кўп фол кўрдирдим, душманларинг изингдан мозор тупроқ сочган экан. Шунинг учун сен эр деса...
-Амма бўлмағур гапларни гапирманг!
Аммасининг турмуш, оила, эр, бола тўғрисидаги гапларидан кейин кўз олдида пайдо бўлган сиймони кўришни истамаган қиз кафтларини кўзлари устига қаттиқ босди.
- Бўлди амма керакмас гапларни гапирманг!
-Майли болам, сен энди ёш бола эмассан. Ақли ҳушинг етарли ўзингга, биламан биздан дилинг қаттиқ оғриган. Лекин бизниям тушунда қизим...
-Ўтган ишларни эсламайлик.
-Майли мен кетдим.
Аммаси чиқиши билан эшикни ичкаридан махкам беркитган Шаҳноза онаси овозини эшитмаслиги учун кафти билан оғзини махкам беркитдида хонасига ўзини урди.
Аблах ёстиқ муштлади. Қурқоқ номард! Нега ҳаётимга кирдинг!? Қай гуноҳим учун жазо бўлиб келдинг!? Нега руҳимни ўзингники қилдингу, ўзинг уйландинг, даф бўлдинг!?
-Шаҳнозаҳон! Онасига олти ойдан буён қаровчи бўлиб ишлаётган Роҳила опа эшик ургани эшитилиб бош кутарди.
-Ҳа опа
-Аҳволигиз яхшими?
-Ҳа бир оз бошим оғрияпти шамоллабман шекилли...
-Мен асалли лимон чой қилувдим..
-Ҳозир чиқаман
Бу уйда йиғлаб олишниям иложи йўқ! Ўрнидан малолланиб турган қиз аёлни эшикдан нари кетганига ишончи комил бўлгач эшик очиб хонасидан чиқди.
Ювиниш хонасида ювиниб бўлиб қўлида сочиқ билан кўзгуга термулиб қолди.
Дунёнинг қайси бурчагига қочмай сен номардни унутишга ожизман! Анави касал ҳам тега қолмади. Тегса балким ўлиб кетармидим. Уфф хўрсиниб олган Шаҳноза қўлидаги сочиқни улоқтирди.
-Укангизни тўйи қачон? Роҳила опанинг саволи остидаги саволни тушунган қиз жилмайди.
-Опа, укам уйланадими йўқми фарқи йўқ. Сизнинг ўрнингиз онамни ёнида. Шу ерда қоласиз опа. Маошингизда ҳам узулиш бўлмайди.
-Рахмат бош эгиб ўтирган аёл секингина миннадорчилигини билдирди.-Олганингиз олтин бўлсин!
-Ундан кўра яхши куёв тиланг! кулиб юборган қиз ўзига чой қуйди.
-Воой куёв деган тиқилиб ётибди-ку! Ажабланиб кўз ташлади.
-Қани? Мен кўрмаяпман. Атрофига қараб олган Шаҳноза кулди.
-Анави доктор йигитчи?
-Диёрми?
-Ҳа.
-Қўйсангизчи, опа мен унга ҳатто ўғил бола деган назар билан боқмайман! Қўйинг гапирманг! Онамни даволагани учун салом алик қиламан ҳалос...
Укасининг тўйи яқин қариндошлар ўртасида ихчамгина қилиб ўтказилди. Хўшрўйгина келинчак келинсалом қилаётган вақтида онасининг умидсизгина ўзига тикилиб ўтирганини кўрган қиз индамай хонадан чиқди. Каридорда аммаси билан кўришгиси келмай ўзини ташқарига олди. Уйлари ёнига қўйилган ўриндиқда узоқ вақт шунчаки хаёл суриб ўтирди. Комил ажойиб қиз танлабди. Келинчак келдию уйларига файз кирди гуё. Эрталабдан бадантарбия мусиқасини қўйган қиз онасини ўтирган ўрнида бадантарбия машғулотлари билан шуғуллантиради. Сунг юз қўлини нам сочиқда артиб олиб ўзи овқатлантиради. Келинчакнинг тиниб тинчимас табиатини юзида табассум билан кузатиб турган Шаҳнозанинг қараб туриб кўнглидан ўтган ўйдан энтикиб кетади.
Эрини севади! Эрини севган аёл мана шундай бўлади!Ундай аёл тухум қайнатса ҳам муҳаббат билан бажаради! Укасининг бахтли хаётини кузата туриб баъзида кунгли бузилиб кетади. Мен анави аблахдан бошқасига ўзимни бахшида қила олмайман! Номард! Беш йил нигоҳларини унута олмадим. Уни кимлигини билгач эса бутун вужудим, руҳим унга боғланди. Энди бўлса.... Уйландинг кетдинг, шу ниятинг бор экан нега мени умримни ўғирладинг ўғри?!
Комилга мактабни юритиш тартиби, режалари, бошқарув тизимини ургата бошлаган Шаҳноза укасида туғма педогогик маҳорат борлигини илк марта сезди.
-Комил,- укасини елкасидан авайлабгина қучди.-Балким пед инситутга ҳаракат қиларсан?
-Қўйсангчи опа, бир ярим миллион ойлик олиш учун инситутинга ўн беш миллион контракт тўлаб, тўрт йил умримни ўтказаманми? Ундан кўра бозорда юк ташисам кўпроқ топаман-ку!
-Хўп. Хўп сен баҳсда енгиб бўлмайди! Ишга қарайлик!
-Қачон кетасан опа?
-Икки уч ойда кетсам керак..
Укаси билан тўрт соатлик юмушдан ҳориган қиз Комилни уйга кузатиб қўйиб, ўзи хонасида қолишни истади.
-Бир оз ишларим бор сунг кетаман.
Савол назари билан боққан Комилга жавоб қайтарди
Уйига қайтиш мақсадида стол устини тартибга келтираётган Шаҳноза стол устида турган телефон жиринглаб юборишидан чучиб тушди.
-Ассалому алайкум! Эшитаман
-Воалайкум ассалом! Шаҳноза керак эди.
-Менман,- экранга ҳайрон кўз ташлаган қиз лаб қимтиди. Ким бу олифта?
-Сиз билан учрашиб гаплашиб олишимиз керак. Сиз мени танимайсиз
-Тушунмадим? Энсаси қотган қиз бош чайқаб юз буриштирди. Кимсиз? Ўзингизни таништиринг
-Менинг исмим Рустамхон, бизнинг суҳбатимиз эса бутунлай бошқа одам ҳақида бўлади. Ишонинг бу суҳбатни сиз анчадан бери кутиб юрибсиз. Соат олтида сизни олиб кетганини машина ишхонангизга боради. Келсангиз гаплашиб олардик.
-На мунча! Ўзингизга жуда юқори баҳо бермадингизми?
-Мен Алишерни энг яқин дўстларидан бириман.
-Нимааа?
-Айтдим-ку суҳбат сизга жуда қизиқ деб. Соат олтида кутаман!
Қисқа гудокдан сунг қорайиб қолган экранга қараб қотиб қолган қиз девордаги соатга кўз ташлади. Ярим соат қолибди. Пичирлади. Ярим соат......
ЛАЙК БАСИНГ😊😊😁😁
#сийратдил