Предыдущая публикация
Юрак
Ақлим шоширади топ дея уни.
Келмайсан...
Ишқ деган Тожмаҳалимнинг,
Бир зумда чиқади кунпаякуни.
Измимда тутмоқни истайман онгнинг,
Қуюшқонга сиғмас инжиқликларин.
Зиндонбанд этмоққа шай турсам...
Келсанг...
Сенга ошиқ кўнгил унутар барин.
Сен севган оҳангга айланаман жим,
Сингиб бораверар руҳимга руҳинг.
Хуш кўрган рангингга беланар ишқим,
Қолмоқдан анча кўп кетмоқ ҳуқуқинг.
Маъюс жилмаясан...
Гуллагай жоним,
Кўнгилга ишқ исмин ёза бошлайман...
Келсанг даҳолардек бўлар мақомим,
Кетсанг жим ақлдан оза бошлайман...
Хориган руҳимни сокинлик эзар,
Қораяр ойини йўқотган фалак.
Сенга қутлуғ бўлсин минг битта зафар,
Минг битта жунунлик менга муборак!
Присоединяйтесь к ОК, чтобы подписаться на группу и комментировать публикации.
Нет комментариев