Предыдущая публикация
ЖАРОХАТ.
6-қисм.
Муаллиф: Дилором Қосимова.
Бошим оғриб кетди. Менга уларни қизиғи йўқ энди. Ўғлимни соғиндим. Ойимга қўнғироқ қиламан. Дадам билан келишини сўрайман. Бор гапни айтаман уларга.
Ўғлимни олиб ота уйимга кетаман.
__Тел...телефонингиз борми? -ҳамшира қиз пераваска учун нарсаларни тайёрлаётганди сўрадим.
__Ҳа бор.
__Қўнғироқ қилиб олсам майлими?
__Майли бемалол.
Телефонни олиб, ойимни рақамини тердим. Биринчисида олмади. Иккинчисида жавоб берди. Ойимни биргина "ало, эшитаман" деганига ўпкам тўлиб кетди.
__Ой...ойи..жон. -дея олдим базўр.
__Шайдоо? Шайдо қизим сенмисан?
__Ҳаа мен ойи.
__Бормисан қизим. Тушимга кирибсан икки кундан буён, телефонинг ўчиқ. Ҳавотирдан ўлдимку. Куёвга бир-икки қўнғироқ қилсам, "уйдамасдим" деди. Яна қилгани истиҳола қилдим.
Ўзинг ҳам йўқ бўлиб кетдинг. Қайнисинглинг....
__О-йи-жоон. -йиғлаб юбордим.
__Қизим йиғлаяпсанми? Нима бўлди?
__Ме.энн. мен касалхонадаман.
__Вой ҳудойим. Нега менга айтмадинг. Қайси шифохонадасан?
Ҳамширага қарадим. Овоз анча баландлиги ва қорин соҳамни очиб, пераваска қилаётгани учун. У ҳам онамни гапларини эшитиб турганди.
__Марказий шифохона. -деди мени нега қараганимни тушиниб.
__Марказий экан ойи.
__Ҳозир етиб бораман жоним болам. Нима бўлди ўзи. Сен яхшимисан? Ёки набирамга нимадур бўлдими?
__Ойии келинг кейин гаплашамиз. Дадам ҳам келсин илтимос.
Ойим билан гаплашгач, уларни келишини кута бошладим. Қорнимдаги жароҳатим ҳамшира спирт билан артганда бирам жаззилларди.
__Оғрияптими? Жароҳат калтакланган пайтингизда очилиб кетибди. Камига, Инфекция ҳам тушириб олибсизда. Энди анча қийналасиз. Вақтида абработка қилиб туриш керак эди.
__Кунига икки маҳал переваска қилинарди. Шунда ҳам инфекция тушибдими? -дедим ҳайрон.
__Йўғааа. Кунига икки маҳал? Қўйсангизчи.
Ҳамширани алдамадимку. Хазона икки маҳал қиларди росдан.
Наҳот шунда ҳам инфекция тушган бўлса?
Ҳамшира яна нимадурлар деди. Қулоқларим уни гапларини эшитгани билан, миямгача етиб бормасди...
Ҳаёлим жароҳатимга тушган инфексигада эди.
Мени ухқучи бўлиб қолганимга Хазонани дорилари сабаб бўлган бўлса. Инфекцияда ҳам уни ҳиссаси бўлса керак.
Инсон шунчалар тубанликка бориши мумкинми?
"Гумон-иймондан айиради" дейишади. Аммо менга қилганлари, мендан сир тутган жирканчликлари сабаб. Бундан ортиқ нима деб ўйлаш мумкин?
__Инфекция? Қанақа инфекция яна? -ҳаёлларимни эшик олдида турган одамни бир яримдан ошиқ вақт қадрли бўлган. Айни дамда, энг ҳунук овоздек бўлиб қолган овози бузди...
Кўзим тушиб жирканиб кетдим. Юз-кўзи кўкариб ётибди.
__Беморни жароҳатига инфекция тушган. Яхши қаралмагани учун.
__Адашяпсизлар! Уни парваришини ўзим назорат қилганман. -ҳамширага **** қўйгудек қаради.
__Сиз шифокормисиз? -ҳамшира уни ёқтирмаётганини очиқ кўрсатиб, ўзидек қўпол жавоб қайтарди. -Сиз қаердан биласиз. Ҳудди ифлос сувда ювилгандекку.
__Уни пераваскасини синглим қилган.
Шу гапидан кейин, унга шундай жирканиб қарадимки. Ётоғига тортган қизни, уялмай оғзини тўлдириб "синглим" деганига кўнглим айниб кетай деди.
Алданиб келганим аламидан. Кўзларим истамасамда, ёшланди.
__Билмадим унда. Аммо ҳаммаси қўл учида қилингандек. Бир маҳал спиртда тозаланиб турганда ҳам бунчалик бўлмаслиги керак эди. -ҳамшира нарсаларини йиғиштирди. -Мен ҳозир сменимни топшириб кетаман. Смен алмашган ҳамширага сизни тайинлаб кетаман. Ўзи кўз қулоқ бўлиб туради. Қўлингиз учун узр.
Охирги гапини пичирлаб айтди. Балки анави жирканч мавжудод эшитса, жавобгарлигидан қўрқгандур.
__Ҳаммаси учун раҳмат. Бугун кетишим ҳам мумкин.
__Менимча рухсат беришмаса керак. Аҳволингиз қониқарли эмас. Майли соғ бўлинг. Мен уч кундан кейин келаман. Насиб бўлса кўришармиз.
Ҳамшира чиқиб кетди.
Олиб келган нарсаларини стол устига жойлаб, бизни кузатиб, ўйланиб турган инсон, агар Уни инсон деб бўлса. Эрим дегин келмай қолди. У ёнимга келди.
__Переваскаларингни вақтида қилдирмаганмидинг?
__Қилдиргандим. Ҳатто эсимда чиқса синг-лин-гиз ўзи эслатиб қилиб қўярди. Ким билсин, балки мазғава билан қилганми?
Синглингиз сўзига урғу бериб, кесатиб гапирдим.
__Хазона бунчаликка бормайди.
Унга нафрат билан қарадим. Кўзларини олиб қочди. Ўзича рўл ўйнамоқчими?
__Мен кўрган чирканчлик олдида бу ҳеч нарса эмас. Сизлар шунчалар тубансизларки.
Синглим деб юриб.
__Хазона мени шарий никоҳимдаги аёл. У билан ҳеч қандай ака-сингил эмасмиз. Ҳатто қариндош ҳам эмасмиз.
Истамасам ҳам қалбим оғриди. Бир ярим йилдан зиёдроқ вақт. Айтишга асондур. Аммо унда қанча хотиралар бор. Энг ёмони буларни бари. Бир сароб эканида.
Уни меҳри, севгиси, эътибори. Ҳамма-ҳаммаси ортида ўз манфати учун тузилган реъжа эканида.
__Қайси юз билан. Уни синглим деб, ойимни жиянига унаштирдингиз?
__Уни синглим эмаслигини сездирмаслик учун эди бу.
__Жаҳонгир қаерда?
Анча сукутдан кейин сўрадим. Унгача сўзсиз йиғлаб олдим. Истамасамда кўз ёшларим қуйилиб келаверди.
__Уйда.
__Ким билан? -дедим ғазабим тошиб.
__Хазона билан.
__Боламни ўша ифлос, фоҳиша билан қолдирдингизми? -ўрнимдан сапчиб турмоқчи бўлдим. Оғриқдан инграб, қайта жойимга ётиб қолдим.
__Ўзингни уринтирма! Сенга мумкинмас. -мени қулайроқ ётиб олишимга ёрдамлашмоқчи бўлди. Жоним оғриса ҳам силтаб ташладим.
__Олиб келиб беринг боламни. Уни қўли тегишини хоҳламайман.
__Сен бола қарайдиган аҳволда эмассан! Ўзингга келиб олгунинггача унга Хазона қараб туради.
__Керакмас. Эшитяпсизми? Керакмас. Уни қорни оч. Уни эмизишим керак.
__Унга смес беряпмиз. Мен ўғлимни оч қолдириб қўяманми сенингча?
__Мен сизларга ишонмайман. Менга қилганларингиздан кейин. Балки Жаҳонгирга сиз ҳеч нарса қилмассиз. Лекин Хазонангиз унга зиён етказмаслигига ким кафолат беради. Менга инфекция туширган. Боламга нимадур қилмаслигига ким кафолат беради.
__Мен! -деди жазавага тушаётганим учун. Маҳкам қучиб оларкан. -Ўғлимга кимдур. Нимадур қилишига йўл қўймайман. Ҳавотир олма.
Бу жирканч қучоқдан қанча чиқишга уринмай ҳолим йўқлиги учун, кучим етмасди.
__Тегманг менга.
__Буни иложи йўқ. Сен мени хотинимсан.
__Сиз билан ажрашаман.
__Хомтама бўлма! Мени ажрашадиган хотиним йўқ! -бағридан бўшатиб, юзимга қаради.
__Дадам билан ойим келса, ҳаммасини айтиб бераман. Сизни кўришни ҳам хоҳламайман.
__Уларга ҳеч нарса айтмайсан!
__Айтаман. Ҳамма-ҳаммасини.
__Мен айтмайсан дедим.
__Кечирасиз. Беморимизга мана шу укол-дориларни олиб чиқиб бераркансиз.
Менга таҳдид қилгандек гапираётганди. Аввалги эмас, бошқа бир ҳамшира кириб қолди.
__Ҳозирми? -қовоқ уйиб сўради.
__Ҳа ҳозир. Булар қанча тез қилинса, шунча тез қувватга кирадилар. Яна бирон нима **** ҳам олишлари керак.
__Мен бира-тўласи, егулик ҳам олиб чиқаман.
__Қайнатма олиб чиқсангиз яхши.
__Тушунарли.
Чиқиб кетди. Ойимга қўнғироқ қилганимни айтмадим. Негадур айтгим келмади.
Агар билса улар келмаслиги учун нимадур қиладигандек.
Ўғлимни соғиниб, ўрнимда йиғлаганча, эшикка термулиб ётар эканман.
Хона эшиги очилиб, ойим ва дадам кириб келди.
Мени кўриб ойим йиғлаб юборди.
Дадамни нигоҳларида ҳам меҳр, қаҳр, жамиийки, туйғулар мужассамдек.
__Жоним қизим. Шайдогинам. Сени шу аҳволга солдими ўша мараз? Юз-кўзингни соғ жойи қолмабдику.
Ойимни қучиб ҳўнграб йиғлаб юбордим. Бир сўз айтолмай, фақат йиғладим.
__Ўша ифлос қани ўзи? Ҳамшира шу ерда эканини айтгандику.
Дадам тишлари орасидан вишшиллаб сўради.
Ойимни айтишича, улар касалхонага етиб келиб. Мен қўнғироқ қилган рақамга терганлар.
Ҳамшира қиз мен ётган палатани. Ва Баҳодир ака шу ердалигини. Мени уриб шу аҳволга солганини. Жароҳатимга инфекция тушганини. Бир нафасда, айтиб ташлаган.
Охирида ўлдириб қўйиши ҳам мумкинлигини айтиб ваҳима қилган.
Мен улар келганидан қувониб, фақат йиғлардим. Ота-онам менга ачиниб, куёвларидан жаҳли чиқарди.
__Қизим кетаман деяпсан! Бу аҳволингда рухсат беришармикан? -ойим йиғлаб, анча ичимизни бўшатиб олганимиздан кейин, сўради.
__Ойи кетгим келяпти. Ўғлимни ҳам кўргим келяпти. Мана бу ерим тошиқиб кетяпти.
__Ҳўп қизим даданг гаплашиб кўради. Шифокорлар билан.
Қўлинг сингур нега бунчалик урди?
__Уу....синглиси.
__Нега урганини нима аҳамияти бор. Бунчалик қилишга ҳаққи йўқ эди. Икки кун бехуш ётган ўлтириб қўйса нима бўларди?
Дадам гапиргани сабаб,, мени гапим бошланмай, тугади. Қанча босиқ гапирмасин. Жаҳли қай даражада чиқаётгани билиниб турарди дадамни.
__Шайдо буни ичиб ол..... Ияа дада,....ойи? Сизлар қачон келдинг.....
__Ифлос мараааззз.
Баҳодир ака эшикдан кирганда, кутилмаган ҳолатдан ранги қув ўчди. Кейин ўзини ўнглаб, гапираётганди. Дадам юзига туширган мушт сабаб, мункиб кетди. Қўлидаги нарсалари ҳам ер-парчин бўлди. Дадам ғазабини босолмай, кетма-кет ура бошлади.
__Сен мараз ҳали мени қизимни урадиган бўлдингми? Шунчалик ҳам урасанми? Ҳайвон. Эркакмисан?
__Ҳаа эркакман. Эркаклигим учун урдим. -Баҳодир ака ҳам баланд овозда гапирди. -Қизингизни эски севгилиси билан топишиб олган. Қайси эркак чидайди бунга? Сиз ҳазм қила оласизми?
__Ёлғон гапиряпти. Ўзини айбини яшириш учун. Уйдирма тўқияпти. Ўзи синглиси билан....улар аслида ака-сингил эмас эканлар. Улар эр-хотин. Шарий никоҳлари бор. Буни билиб қолганим учун мени шу кўйга солди.
__Қизим...ним...нималар деяпсан? -ойим тутилиб савол бердилар. Дадам бир зумга ҳудди карахт одамдек турарди.
Қай биримизни гапимизга ишонишни билмаяптиларми?
__Сен қизимга туҳмат қилма. У хато қилиб аввал гаплашган бўлиши мумкин. Лекин у-бу даражага борадиган эмас.
Мени қизим зинокор эмас!
__Қарангга. Зинокор эмасми? Унда айтингчи мени синглим билан аслида эр-хотин эканимизни қайси мантиққа тўғри келади?
Қизингизни фотиҳаси нега бузилганини ҳам билдим.
Нега энди бу ишни қайта қилганига ишонмаяпсиз?
Баҳодир ака мени ҳаётим давомида қилган. Энг катта хатойимни айтдилар.
Дадам...
Дадам жим бўлиб қолдилар...
Наҳотки ишоняптилар?
Йўқ...
Йўқ, ишонманг дадажон.
Мен у хатони қайта қилмадим.
__Дадажон алдаяпти. Мен ундай қилганим йўқ. Хатто ўша аммам ҳақдаги ҳақиқатларни айтган кунларингиздан кейин, кўрмаганман ҳам. Дадажон...
__Мени бу ҳолатимга нима сабаб деб ўйлайсиз? -Баҳодир ака кўкарган башарасини айтди. -Мен ўша бўлмаган куёвингиз билан муштлашдим.
Келибсизлар-келибсизлар. Эртароқ келмабсизларда.
Ёки сен Шайдо.
Даданг билан ойингни эртароқ чақирмабсанда.
Кечаси билан ёнингда қолган, ойнашингни жўнатиб юбориб, кейин чақирдингми?
Баҳодир акани айтаётган гапларидан мен шокда эдим.
Ўзини оқлаш учун. Менга қуруқ туҳмат қиляпти.
Кечаги "покизам, ҳалолим" деб қучоғига олган инсон шу эмасмиди?
Энди эса мени ўзи ифлосга чиқаряпти.
__Дада...дадажон алдаяпти. Наҳот менга ишонмасангиз? Ўз қизингизга ишонмайсизми?
Ойижон...
Ойижон сиз айтинг дадамга. Мен ундай қиз эмасман.
Ойижон....
__Мен сенга ишонаман қизим. -ойим ёнимга ўтириб мени қучдилар.
__Сиз айтаётган гаплар ҳазилакам гап эмас Баҳодир. -дадам иложи борича ўзини босишга уриниб гапирди.
Сезиб турибман...
Иккиланяптилар...
Менга юз фоиз ишона олмайдилар. Шу сабаб иккиланяптилар.
__Биламан. Қизингиз ҳақида бундай гап эшитиш....
__Ёлғон гапирманг. Виждонингиз борми? Уялмайсизми туҳмат қилгани? -қоним қайнаб кетди. Ҳам йиғлаб, ҳам асабийлашиб гапирдим.
__Ёлғонми у кечаси билан шу ерда бўлгани?
__Мен икки кунда ҳушимга келдим.
__Ҳўп. Уйғонганингда у шу ерда эди тўғрими? -менга олайиб қаради. Танам титраб кетди. -Касалхонада камералар бор. Хоҳласангиз кўрсатиб ҳам беришади. Айт Шайдо уни кўрмадингми?
__Кўрдим лекин....
__Ана эшитдингизми? -Баҳодир ака гапимни илиб кетди. Ойим сесканиб кетди. Дадамни ранги бўздек оқариб, менга шундай қарадики, титраб кетдим. Нега мени эшитишмайди? Нега охиригача тинглашни билишмайди? -Мен ўзим етимликда катта бўлганим учун. Болам учун бир сафар бунга кўз юммоқчиман. Шайдо бироз ўзига келгач, уйга олиб кетаман.
__Ҳеч қачон! Ҳеч қачон сизни уйингизга бормайман! Асло....
Юзимга тушган тарсаки сабаб гапим чала қолди. Қўлимни юзимга босганча, умид билан дадамга қарадим. Менга шундай нафрат билан қараб турардики....
__Юзсиз. Ўчир овозингни. -дадам шунчалар тез нафас олардики.
__Дада тўғри калтакни ошириб юбордим. Эркакчиликда энди. Сиз ўзингиз мени ўрнимда сиз бўлганингизда нима қилардингиз?
__Ўлдириб, ўша ерни ўзига кўмиб қўярдим.
Дадам шундай ғазаб билан гапириб, онамга ортидан тез чиқишини айтиб чиқиб кетди.
Турай десам туролмайман.
Ортидан зор йиғлаганча қолавердим.
Ойимга ҳам ҳудони зорини қилдим.
__Қизим кейин гаплашамиз ҳўп.
Дадам ташқаридан бақириб чақиргани учун ойим шошиб чиқиб кетди.
Менга ишондими-йўқми билмайман.
Аммо ортига қараб-қараб чиқиб кетганидан,ачинаётгани кўзларидан маълум эди.
Болалик пайтларимда, ойим менга қаттиқроқ гапирса, ёки нимадандур жаҳли чиқиб туртиб-нетса. Йиғлардим.
Шу пайтларда ойим "овоз чиқармай йиғла" дер эдилар.
Сабаби мени ҳафа қилса дадамни қаттиқ жаҳлилари чиқарди.
Узоқ йиллар кутишгани учун.
Бобом ҳам қаттиқ гапирардилар.
Менимча аммамни исмини қўйишгани учун бўлса керак.
Шунга ойим мен йиғласам, улардан гап эшитишдан безиб турарди.
Аслида менга доим ҳам қаттиқ гапирмаганлар. Ўзлари ҳам йиллар кутган фарзандиманку.
Лекин ёш бола эканимга бориб, шўхлик қилиб қўярдимда.
Шу сабаб, гап эшитардим.
Ўшанда ҳеч эплолмасдим.
Тушунмасдим. Қандай овоз чиқармай йиғлаш мумкин эканига.
Мана энди энглаяпман. Инсон ҳамма нарсага кўнаркан.
Севгисиз ўламан дейди. Аммо яшай олади.
Дарддан ўламан дейди, аммо яшайверади.
Пулсиз ўламан дейди. Аммо кўчада пулсиз, бекатларда тунаб юрганлар қанча.
Ўлмайдилар. Қилолмайман. Чидолмайман, эплолмайман деган нарсаларига Аллоҳ бир кун рўпаро қилиб қўйганда. Шундай яшатадики, ўзи ҳам билмай қолади.
Мен ҳам овоз чиқармай йиғлашни ўргандим. Бошимга тушган шунча кўргуликлардан кейин, мен эримни уйида, ётоқхонамизда, овоз чиқармай кўз ёш тўкаяпман.
Бир ҳафтадан ошиқ касалхонада ётдим.
Дадам мени юзимни кўришни истамайди. Онам шўрлик барибир она эканда. Дадамдан яширинча мендан ҳабар олиб турди.
Телефоним ҳам йўқ. Мана уч кун бўлди касалхонадан чиққанимга.
Хоҳламагандим бу уйга келишни.
Аммо ўғлимни бермайман деб қўрқитгани сабаб, келишга мажбур бўлдим.
Хазона...
У келганимиздан кейин, икки хотин орасида тенглик ўрнатишни ўртага ташлади.
Энди менга эримизни қизиғи йўқ эди.
Аммо бугун уларни ох-воҳларини эшитиб хонамизда ўғлимни қучганча унсиз кўз ёш тўкяпман.
Бир неча кунлар аввал шу инсон билан ҳаётимни кейинги йилларини шу қадар гўзал тасаввур қилардимки, ҳозир бари сароб бўлганидан юрак-бағрим ўртаниб кетяпти.
Менга доим кулиб юришимни таъкидлаган инсоним.
Бугунги кўз ёшларим сабабчиси.
Кечагина, У билан бирга умримни охиригача яшашни, бу йилларни қандай кечиришни ширин ҳаёллар қилардим.
Бугун эса, У билан бир кун ҳам яшашни истамайман.
Ҳаёт мени синдирди.
Афсуски бунга ўзим ҳам сабабчиман.
Дардимни ҳеч кимга айтолмайман. Айтганим билан жавони аниқ. Ким бўлса ҳам сабрдан оғиз очади.
Мусибат сеники бўлмаганида, сабр ҳақида сўзлаш қанчалар осон...
Шундай экан. Дардимни билишмасин, эшитишмасин.
Зеро уни ҳис қилишмас экан. Мени ҳеч қачон тушунмайдилар....
Қачон ухлаб қолдим билмайман. Жаҳонгирни қучиб ётгандим.
Уйғонганимда ҳам шундай ширин бўлиб ётгандики, кўриб кўзим қувнайди.
Яхшиям ҳаётимда шу фариштам бор.
Фақат шу учунгина мен оёқда турибман.
Ҳали ҳаммасини исботлайман.
Мен энди бу одам билан яшамайман.
Ҳаракат қилмасам ўзи қўйиб юборадиган эмас.
Уйқуйим учгани сайин, ётоқда Жаҳонгир иккимиз ёлғиз эмаслигимизни англадим.
Ортимда бир текисда нафас олаётган инсон ким экангилини ҳам англаб бўлгандим.
Юзсизларча бизни олдимизга чиқиб ётиб олганиничи.
Кескин ҳаракат қилолмайман. Жароҳатим, ва калтаклардан қолган асоратлар бунга изн бермайди.
Ўн кун ўтган бўлса ҳамки, ҳали ҳам оғриқлари тинч қўймасди.
Шарт бу уйдан чиқиб кетгим келади. Аммо шу ҳолимда қаёққа бораман.
Дадам уйга киритмайди. Яқин қариндошларимиз бошқа шаҳарда яшашади.
Болам билан кўчада қай эшикни қоқоман?
Аммо бир умр қолиш ниятим ҳам йўқ. Сал ўзимга келиб олай. Албатта бу дўзахдан кетаман.
Ойимга ҳақиқатни айтганимда. Менга ишонмагандек бўлдилар.
Ахир қандай ишонсин. Хазона жиянига унаштирилиб, гаплашиб ҳам турган бўлса.
Лекин мени ҳурсанд қилган томони. Ойимни жияни кунлар совимай, тўйни ўтказиш пайида экан.
Ҳозир сентябр ойини бошига кирдик.
Бир ойга қолмай, кунлар совийди.
Кўрамиз. Бу "ака-сингил" лар тўй ҳақда эшитиб нима қилишар экан.
Ойимдан аниқ қачонга мўлжаллашаётганини билай десам. Қўлимда телефоним ҳам йўқ.
Уни ҳам олиб қўйган.
Шунча нарсалардан кейин уялмай, ёнимда ётиб олганиничи.
Жаҳонгирни уйғотиб юбормаслик учун, аста ўрнимдан турмоқчи эдим.
Мени куч билан ўзига тортиб, қучиб олди. Оғриқдан инграб юбордим.
__Оғридими?
__Оғримасинми? -саволидан жаҳлим чиқди. -Қўлингизни олинг. Ҳорамга ботган танангизни бир туки ҳам менга тегишини хоҳламайман.
__Бу еринг яхшими?
__Сизни ва синглингизни шарофати билан иккинчи бор тикилди. Қандай деб ўйлайсиз ўзиз?
Туришга урингандим кучим етмади. Тўғриси, мен касалхонада эканимда, Жаҳонгирга смес беришгани учун, шунга ўрганиб қолган. Деярли эмизмайман. Шу сабаб, ҳатто тузукроқ тамадди ҳам қилмай қўйдим.
Дунёдан узилиб қолгандек, ўлимини кутаётган инсондек, ўлимсанги бўлиб олганман.
Шу сабаб ҳозир ҳам Баҳодир акадан ўзимни озод қилолмаяпман.
__Бу сафар ўзим назорат қиламан. Тезроқ битиши учун, нималар қилиш кераклигини доктирдан сўраб билайчи.
Ўрнидан туриб ювиниш хонасига кириб кетди. Қайтиб чиққач телефонда шифокор билан гаплашди.
Жаҳонгирга смес тайёрлаш учун, қайнатилган сув керак. Баҳодир ака телефонда гаплашяпти. Мен юз-қўлимни ювиб ошхонага чиқдим.
Жаҳонгир уйғонганда, қайнагунча кутиб қолмаслиги учун, эртароқ ҳаракат қилай деб.
Сувни газ печига қўйгач, ошхона деразасидан, ташқарига қарадим.
Ҳаётимни ўзимча сарҳисоб қилардим.
Биз нималарни ўйлаб, ҳаёл сурамизку. Тақдир бизни қай йўлдан юргизади.
__Жонинг шунчалик темирданми? Наҳот шунча калтакка ўлиб кетмадингга.
Ортимга қарасам юзи қизариб қолган. Сўзини ўтказиб, тенглик ўрнатиб, кечаси Баҳодир ака билан қолгани учун қувониш ўрнига. Қаттиқ аламзада Хазона турарди.
__Калтакдан ҳамма ҳам ўлавермас эканда. Тотиб кўрасанми?
Ўзидек жавоб қайтардим.
__Мени сенладингми? Ҳаддингдан ошиб кетма!
__Нима "эрингни мен билан бўлишганинг учун раҳмат" деб қуллуқ қилайми?
Замонавий чойнак, ҳуштак чалгач, қайнаган сувни термостга қуйишга киришдим.
Қуйиб бўлай деганимда, Хазона балки атай, балки беҳосдан мени туртиб юборди.
Натижада озроқ миқдордаги сув қўлимга тўкилди.
__Аҳҳ палакат...
__Нима бўлди? -чойнак тарақлаб, ерга тушгани учун. Баҳодир ака ошхонага кириб келди. -Эҳтиёт бўлсанг бўлмайдими?
Тез раквинани ёнига олиб бориб. Муздек сувга қўлимни тутди.
__Ёмон куймадими? Ачишмаяптими?
__Сиз берган оғриқлар олдида, буники сезилмаяпти ҳам. -дедим кўзларига қараб. Жин урсин. Ўзимни, бу иккисини олдида ожиз кўрсатишни хоҳламайман. Аммо кўзларим менга бўйсунмаяпти.
__Йиғлама! -киприкларимда илиниб турган кўз ёшларимни бармоқлари билан сидириб ташлади.
Иложи бўлмади. Йиғлаб юбордим.
Чуқур ҳўрсиниб мени сўзсиз бағрига босди.
Йиғлаяпман. Ўзимни тортишга, ҳолим ҳам, хоҳишим ҳам йўқ.
Кийимини ҳўл қилиб юзимни кўксига босдим.
Шу онда мени маҳкамроқ қучди.
Ундан олдин.
Газ олдида Хазона ғазабдан қизариб бизни томоша қилиб турганди.
Энди баттар қизаргандур.
Унга ҳам осонмас дейман, ўзимга-ўзим.
Аммо мени айбим нима эди?
Нега ҳаётимни ўйин қилишди?
Шуларни ўйласам, унга бўлган ачиниш туйғуси яна йўқолиб қолади.
Жаҳонгирни овози эшитилгунча шундай турдик.
Кейин мен тез уни олдига шошдим. Баҳодир ака ҳам қаршилик қилмай қўйиб юборди.
Жаҳонгирни олиб чиқдим.
__Менга берчи ўғлимни? -унга сутини тайёрлаш учун, истамасам ҳам бердим. -Полвон ўғлим ўзимни. Ота оғилда бу.
__Келинг сутини берай.
__Мен ичириб тураман. Сен менга бирон егулик бергин.
__Ана Хазона тайёрлаб берсин. Тенглик талаб қилаётганди. Тенглик ҳар жабҳада бўлиши керак.
Жаҳонгирни қўлидан тортиб олмоқчи эдим. Ололмадим.
__Сенга оғир кўтариш ҳам мумкинмас ҳозир. Тенгликка келсак, У аввал калтак ейишда сенга тенг келиб олсин. Кейин қолганини ҳисоблаймиз...
Баҳодир ака ҳеч кимга эътибор бермай, қўлимда сут идишни олиб, Жаҳонгирга ичириб ўтирарди.
Хазонани кўзлари ғазабдан қизариб, ёшланди ҳам.
Эрталабдаги, кесатиқ, ва кайфиятини сабабини билгандекман.
Менда икта Шайдо яшаётгандек.
Бири унга ачинади....
Бири "баттар бўл" дейди
__Шайдо ҳозир ғилдиракли краватча олиб келишади. Жаҳонгирни кўтарма. Ўшанга солиб айлантир.
__Жудаям таварик қилиб юбормадингизми?
__Қилсам нима? Мени фарзандимни дунёга келтираман деб шу аҳволга тушди.
__Битта шу туғганми? Айб ўзида. Мен огоҳлантирган бўлсам ҳам. Очопатдек емаган нарсаси қолмади.
Сал нафсини туйганда, бунчалик бўлмасди. -менга шундай ёмон қараш қилдики. Мени очофат дедия?
Аммо у ҳақ. Эрини хотини бўлсам ҳам, ўша пайтда мен учун фойдали маслаҳат берганди.
__Нима бўлса ҳам. Мен учун бола қанчалик қадрли эканини биласан тўғрими?
Албатта биласан!
Ахир ўзинг ҳам бола баҳона бўйнимга осилиб олгансанку.
Баҳодир акани гапидан Хазона гезариб кетди. Мен эса яна бир ҳақиқатдан лолман. На оёқда туришни биламан. На йиқилишни.
На ўзимдан кетишни биламан.
На исён қилишни...
__Ҳали болангиз ҳам борми? -анчадан кейин сўрадим. Улар ҳам шунгача жим эдилар. -Шунчалик ҳам бўласизларми? Қандай онасан сен?
Қандай болангдан айро шунча вақт яшай олдинг?
Қаерда у шўр пешона бола? Сизларга фарзанд бўлгани учун ҳам ачиняпман унга.
__У касалхонада. -Хазона ҳиссиз жавоб берди. Баҳодир ака ҳам ўйчанг эди. -Мен ҳам Уни мени фарзандим бўлиб туғилганидан афсусдаман. Балки бошқани боласи бўлганда. Бундай бўлмасмиди?
Хазона ортиқ гапира олмай, югурганча чиқиб кетди.
Баҳодир ака ўйчанг ҳолда ўтирарди.
Менга қилганларига қарамай, уларга ачиндим.
Аммо нима бўлганини сўрашга жазм этолмадим.
Баҳодир ака айтган, ғилдиракли краватча келди. Кейин кийиниб ишга отландилар.
Хазона ўша кирганича хонасидан қайтиб чиқмади.
__Шайдо пастдаги қўшнимиз, Қурбон акани қизи ҳамшираликка ўқияпти. Пешиндан кейин, уйга келаркан. Переваскангни шу қиз қилиб қўяди. -эшик тутқичини тутиб шу гапни айтди.
__Керакмас. Сизларга ишонмайман. Яна инфекция тушиб, баттар қийналишни кўтаролмайман энди.
__Ҳеч нима қилмайди. Инфекция учун, Хазонани ўша куниёқ жазолаганман. Кеча кечқурун унга тушунтириб қўйдим. Сенга ортиқ зиён етказмайди.
__Бунга ишонмайман. -дедим қайноқ сув тўкилганини эслаб. Назаримда у атай мени турткандек.
__Менга ишон бўлди.
__Айнан сизга нисбатан ишончни "И" ҳарфи ҳам қолмаган.
Шунча гапдан кейин, Хазона асл юзини сал бўлсада кўрсатди. Сиз эса ҳамон ниқобдасиз.
Айтингчи бу ўйиндан мақсад нима эди ўзи?
__Кечқурун гаплашамиз. Жаҳонгирни ҳадеб кўтараверма! -пешонамга лаб босди. Кутилмаганда, ва Жаҳонгир қўлимда бўлгани учун, бир зумда содир бўлган бу ишга қаршилик қилишга улгурмадим.
Англагунимгача Баҳодир ака аллақачон эшикни ортидан беркитиб кетиб бўлганди.
Ҳиссиз кесакдан фарқим қолмади.
Ҳаёт бор рангларини фақат оқ-қора рангга бўшатиб бергандек.
Кейинги ҳаётимни қай йўсинда кетишини ҳам аҳамияти йўқ.
Хонамизга кириб, Жаҳонгир билан ўзимни ётоққа ташладим.
Уларни фарзандига нима бўлган экан?
Нега касалхонада?
Баҳодир ака менга нега уйланган?
Миям ғовлаб кетди.
Кеч кирса ҳаммасига жавоб оларман.
Кечгача ҳеч нарса қилмай ётдим. Фақат Жаҳонгирга қарадим.
Зерикарли кун....
Бир чалғий десам телефоним ҳам йўқ. Тв да бироз каналларни айлантирдим-у, кўнгилдагидек нарса тополмадим.
__Шайдо овқат қилмадингларми? -кўзим илинибди. Баҳодир акани беозор туртканидан уйғондим.
__Йўқ. Ўзим емайман. Сизлар билан ишим йўқ. Шунга қилмадим.
Хўрсиниб ёнимга ўтирди.
__Ҳаётингда борлигим учун. Сени азобларга гирифдор қилганим учун кечир.
Елкамдан қўлини ўтказиб, мени қучиб олди.
__Тегманг менга.
__Сени соғиндим Шайдо. Мажбуран турмушга чиққан бўлса ҳам, менга кулиб қарайдиган Шайдони соғиндим.
__Уни Шайдо бир неча кун олдин, тунда ўлди. Сиз ўлдирдингиз.
__Афсусдаман. -бошқа сўз айтмай мени маҳкамроқ қучди.
__Хазона иккингизни фарзандингизга нима бўлган. Менга нима мақсадда уйлангансиз. Ёқтириб уйланмаганингиз аниқ. Ҳўш нимани кўзлагандингиз?
__Аслида У кутилмаганда пайдо бўлган бўлса ҳам. Уни бундай бўлишини хоҳламагандим. -мени бағридан бўшатмаган ҳолда. Сочларимни силаганча гап бошлади. -Хазонани қонида қандайдур вирус бўлган. Уни даволаб, кейин ҳомиладор бўлиш керак экан. Кўп холларда ҳомила 3-4 ойдан ўтмай нобуд бўларкан. Хазона яхши даволангани учун, ҳомила вақтида туғилди. Аммо....
Аммо ҳомиладорлик вақтида олган, кучли дори-дармонлар таъсирида, Хазонани бачадонида, ўсимта пайдо бўлиб, ҳомила билан биргаликда, улар ҳам ривожланаверган.
Натижада туғруқдан кейин, Хазона қайта фарзанд кўролмайдиган бўлди.
Агар бачадонни олиб ташлашмаса, Хазона ҳам ортиқ яшамаслиги маълум бўлди.
Ундан кейин ҳам анча даволанишига тўғри келди.
Фарзандимиз тирик қолди. Аммо ўғил бола, қиз болага нисбатан нимжонроқ бўларкан.
Кўп ҳолларда фарзанд туғилгач, 1-2 соат ҳам яшамас экан.
Шифокорлар, Бахтиёрни тирик қолганини бир мўжиза дейишганди ўшанда.
__Исми Бахтиёрми?
__Ҳаа Бахтиёр. Кўрсанг меҳринг тушади. У Жаҳонгирдек полвон эмас, жудаям нимжон.
У ҳали йиллар давомида шифохонада даволаниб, назоратда туриши керак.
Баҳодир акани гапириш оҳангидан буларни гапириш қанчалар оғир бўлаётганини англаб турардим.
__Мен аслида росдан етимман. Дадамни билмайман. Онам ўн ёшимда оламдан ўтган. Шундан кейин, кўча мени уйимга айланган.
Ҳаётимда Хазона пайдо бўлгач, осон пул топиш йўлига ўтганман.
Содда қилиб айтганда...
Алфонс...
Сенга ҳам шу мақсадда уйланганман. Уканг ҳали кичиклиги учун. Даданг ишларини куёвига топширишини билгандим.
Қўлида ишлаганим сабаб, булардан боҳабар эдим.
Сен фарзандли бўлганингдан кейин, даданг кўчмас мулкларидан сени номингга расмийлаштириб беришни мақсад қилганди.
__Сиз эса шуларни ўзлаштириб, мени кўчага қувмоқчи бўлгансиз. -йиғлаш қийин эмас. Йиғламаслик учун, дардни боғзингда ушлаб туриш қийин. Бу ҳақиқат менга жуда қаттиқ таъсир қилди. Алданганимни билган бўлсам ҳам. Баҳодир ака келгунича ўзимни бу суҳбатга тайёрлаган бўлсам ҳам. Барибир оғир ботди.
__Бошида шундай эди.
__Бошида? Эндичи?
__Бахтиёрни даволатиш учун ҳам, яшаш учун ҳам ҳалол йўл билан пул топмоқчиман. Бутун дунё бойликларини беришса ҳам. Сен ва Жаҳонгирдан кечмайман. Кечолмайман.
__Сизга ишонмайман. -ич-ичимдан ҳафа бўлдим. Йиғладим. Алам қилди...
__Ишончингга арзимайман. Ундан чиққан ўзимман...
Қандай ишонай ахир? Хазонага ҳам ачинмадим. Пул учун мени шу кўйга солдиларми?
Ачинишимга арзимайди.
Тезроқ булардан узоқлашишим керак.
Қандай бўлмасин, буларни тарк этишим керак. Ўғлимни олиб, ҳеч ким тополмайдиган жойларга кетаман.
__Ҳудо ҳаққи сиздан қутилиш учун қўлимдан келганини қиламан. -дедим кўзларига боқиб.
__Мен эса, сени қўйиб юбормаслик учун. Қўлимдан келганидан ортиғини қиламан. -деди ҳудди мендек боқиб.
"Одамнинг оласи....
Виждон азоби.....
Инсон борки, хато қилади. Ва шу хатоларидан кимдур керакли ҳулоса чиқаради. Кимдур эса, яна ва яна шу хатоларни такрорлайверади.
Мен ҳам хато қилдим.
Хато қилганимни англадим...
Аммо...
Аммо кўп нарсани издан чиқишига сабаб бўлдим.
Ачинарлиси бу нарса, тақдир.
Бир нечта инсонларни тақдири.
Аввало тақдир Аллоҳдан.
Аммо сабаблар бисёр бўлади.
Мен ҳам ўша сабабларни яратиб қўйган бир сабабман...
Мен кичиклик пайтларимда, ойим дугоналари билан йиғинларга олиб борардилар...
Деярли ҳамма дугоналари биттадан фарзандини етаклаб келарди.
Болалар ичида, Шоҳида холани қизи Шайдо бошқача ёқимтой эди.
Ўзи жимитдеккина юзида, қош, кўз, бурун, ҳамма-ҳаммаси шундай жойлашгандики, қараб тўймасдинг. Таббасумичи?
Унинг ширин таббассумини бошқа ҳеч қаерда кўрмагандим аввал.
Унга илк меҳрим ўша пайтларда тушган...
У бироз ёввойироқ, унча бизга қўшилмасди. Ойисини қучоғидан тушмасди...
Йиллар-йилларни қувиб, биз катта бўлардик.
Мени мақсадим давлат ишига жойлашиш эди. Шунга яраша тайёрланардим...
Катта бўлганим сайин, Шайдони кўришим камайди.
Аммо унга бўлган қалбимдаги илиқлик даражаси юқорилаб борарди.
Уни ҳар кўргунимгача, ҳаёлимда қанчалик ўзгарганини тасаввур қилардим.
Ҳаёлан У билан севишганлардек сайр қилардим.
Уни оппоқ, нозик қўлларидан тутганча, ҳиёбонларда бирга сайр қилиб юрардим.
Ойим уйланишдан гап очганда, ҳаёлимга илк келган қиз Шайдо бўлди.
Таассуфки, ойимни кўз олдига олганлари орасида ҳам айнан Шайдо биринчилардан бўлиб турарди. Нонуштада ундан гап очганда, ичимдан ширин энтикдим. У мени ёшликдаги болаларча севгим эди.
__Еҳҳ ўғлим сен Шайдони бир кўрсанг эди. Шундай ширин қиз бўлган. Қараб тўймайсан киши.
__Насиб қилса кўрармиз ойи.
__Кўрасан болам, кўрасан. Ишхонангдан узоқ бўлмаган. Педагогика Университетида ўқийди. Бу йил иккинчи курс.
Бу ҳабардан юрагим ҳаприқиб кетди. Уни кўрмаганимга анча йиллар бўлганди. Ёнгинамда эканку. Билганимда кунда бормасмидим? Узоқдан бўлса ҳам ўша ёқимли табассумига термулмасмидим?
Ўша куни қарор қилдим. Ишдан тушликка чиққанда, бирровга бориб, уни кўриб келишни.
__Қайси факултет ойи?
__Бунисини билмас эканман ўғлим.
__Ҳа майли. Мени ишларим кўпроқ эди бугун. Дуо қилинг.
Ойим кўнглимдагини сезиб қолмаслиги учун гапни бурдим.
Шайдони кўришга бўлган иштиёқ эса ортиб борарди....
Ишдан чиққач, Педагогика Университети томон, йўл олдим.
Ичимда ўзгача ҳаяжон...
Неча йиллик беғубор туйғуларим соҳибасини кўраман.
У ҳозир қандай экан?
Мени кўз олдимда, бир неча йил аввалги кўриниши гавдаланарди.
Университетга етиб келдим.
Атроф талабалар билан гавжум.
Мен улар орасидан, ўзим учун қадрли чеҳрани қидираман.
Бир четдаги жуфтликка кўзим тушди. Қиз уялиб, ерга қараб турар. Йигит эса чексиз меҳр билан қиздан нигоҳини узмай гапирарди.
Юрагим бошқача бўлиб кетди.
Сабаби бу қиз ўша.
Мен излаб келган қалбим эгаси эди...
Наҳот уни танлагани бор?
Наҳот мен ўзлигимни топай, ўзимни англай деб.
Ўқиш-иш деб, туйғуларим соҳибасини бой берган бўлсам.
Сездирмай уларни олдидан, ўтиб кетмоқчи эдим.
Суҳбатлари тасодифан қулоғимга чалиниб қолди.
__Гўзалим сени яна кутсам ўттизни уриб қўяманку. Кел энди. Бир йилдан буён биргамиз. Наҳот синовингдан ўтмадим.
__Ундай эмас!
__Ундай бўлса, ортиқча гапга ҳожат йўқ. Эртага яхши кутиб ол. Ойим билан келинойим боради.
Мен йиллар давомида дилимда сақлаган туйғуларимга бу йигит бир йилда эришдими?
Шайдони Унга гапиргандаги, гап оҳангидан, унга бўлган туйғулари самимий эканини билиш қийин эмасди.
Мен таслим бўлишни истамадим...
Йигитни шахсини суриштириб билишни хоҳладим.
Буни аниқлашни, энг яқин дўстим ва ҳамкасбим Санжарга топширдим...
Сабаби менга муҳим ишни тергови топширилганди.
Санжарни аниқлашича, у йигит йўлғиз онаси билан яшаркан...
Ота-онаси ажрашган.
Дадаси "ўтириб" чиққан экан.
Суриштиришлар натижасида аниқлаган маълумотимда аниқ бўлдики, йигитни оиласи билан Шайдони оиласи юз кўрмас бўлиб кетишган.
Бу иккиси ҳеч нарсадан бехабар, Лайли-Мажнун бўлиб юришган.
Маълумотларга таянган ҳолда, билдимки, менда ҳали умид йўқолмаган...
Ўйлаганимдек бўлди. Шайдо менга насиб қилди.
Яъни менга фотиҳаланди. Неча йиллик севгимга эришаман деб, жуда ҳурсанд эдим.
Аммо Шайдода буни акси.
У норозилиги, юз-кўзидан аён эди.
Аммо бу менга аҳамияциз. Муҳими у меники бўлади.
Шундай бахтдан масрур, кунларимни бирида мени сўраб бир йигит келганини айтишди.
Кўриб ҳайрон қолдим...
Бу ўша йигит эди.
Менга илк бора рашк аталмиш туйғуни бўй ўсишига сабаб бўлган.
Ҳайрон бўлдим...
Нега келган экан?
__Ҳўш ҳизмат? -уни хонамга таклиф қилиб, нега келгани ҳақда сўрадим. -Менда бирон бир ҳизмат борми?
__Ҳизмат эмас. Шахсий масала.
__Шахсий? Бизни ўртамизда қандай шахсий масала бўлиши мумкин?
__Шайдо. -Уни исмини шунчалар меҳр билан айтдики, мени рашк қиздира бошлади. -Шайдо ҳақда.
__Мени бўлажак рафиқам ҳақдами?
__Ҳаа. Биласизми? Биз Шайдо билан бир-биримизни ёқтирамиз. -шу жойда уни уриб ўлдириб қўйгим келди. Ишхонадаман. Ўзимни босдим. -Сабабини билмаймиз. Оилаларимиз бизни бирга бўлишимизга жон-жахти билан қаршилик қилишяпти. Уларни тушунмаяпмиз. Тушунайлик десак. Сабабини айтишмайди.
Тўғриси мени онам ва Шайдодан бошқа кўнгил яқин инсоним йўқ.
Уни шунчаки йўқотишни хоҳламайман.
__Мендан нима истайсиз?
__Шайдони. У мен учун онамдан кейинги, ягона яқиним. Суюклигим, қадрлигим.
__Менга Шайдо кимнидур ёқтирадиганга, ўхшамади.
__У қиз бола. Айтишга чўчийди. Оилаларимиз ҳам сабабини айтмай, бизни бирга бўлишимизга қарши бўлишяпти.
Кимгадур кўнгил берганмисиз? Ундан айрилиш ҳақида ўйлаб кўрганмисиз?
Илтимос сиздан. Бизга ёрдам беринг.
"Кимгадур кўнгил берганмисиз?"
Сен қаердан билардинг мени?
Сен бир йилдан буён, севаман даяётган қизни, мен болалигимдан яхши кўришимни.
Ўша куни йигитга ўйлаб кўраман деб жўнатиб юбордим.
Шайдо билан навбатдаги учрашувда меҳрибонларча ундан, тўйга ўз хоҳиши билан рози бўлганми-йўқми? Сўрадим.
Гарчи бу саволни жавобини билсам ҳам.
Шайдони ота-онаси мажбурлаган.
Аммо У буни айтолмайди.
Чунки дадасидан, қўрқади....
Давоми бор.
#ЖАРОҲАТгрдил
Следующая публикация
Нет комментариев