КЕЧИРИНГ.

Кимнинг дилин оғритган бўлсам, Аллоҳ учун кечиринг мени. Умрим тугаб, бир куни ўлсам, Озорларга берманг кўнглимни. Аллоҳимнинг марҳамати кенг, Дилга солар меҳру вафони. Умр йўли бир қадамга тенг, Гоҳ йўллагай жабру жафони. Азизларим, бу ҳаёт гўзал, Гўзал эрур ширин хаёллар. Кечирмоқлик, иймондан азал, Меҳримизга тўлсин дунёлар.Муборак кун, муборак имкон, Яхшиларнинг пойида жаннат. Яратганга бўлиб чин инсон, Қўлни-қўлга беринг беминнат. Билиб-билмай бердимми озор? Узр дўстлар, минг бора узр. Асли дунё бағри кенг бозор, Борингизга дейман минг шукр. Шовқин солар юракка алам, Азоблайди кутилмаган ғам. Мен сизларни кечирдим дилдан, Аллоҳ учун кечиринг сиз ҳам